ಕೇರಳದ ಮುಸ್ಲಿಂ ತಾಯಿ ತನ್ನ ಮಗನನ್ನು ಮದುವೆಯಾಗಿದ್ದಾಳೆ ಎಂದು ವೀಡಿಯೋವೊಂದನ್ನು ಹಂಚಿಕೊಳ್ಳಲಾಗುತ್ತಿದೆ. ಇದು ಸಾಮಾಜಿಕ ಜಾಲತಾಣಗಳಾದ ಎಕ್ಸ್ ಮತ್ತು ಫೇಸ್ ಬುಕ್ ನಲ್ಲಿ ಹೆಚ್ಚು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಮಹಿಳೆ ತನ್ನ ಮಗನಿಗೆ ಹೂವಿನ ಹಾರ ಹಾಕಿರುವುದನ್ನು ಕಾಣಬಹುದು.
ವೀಡಿಯೋದಲ್ಲಿ “ಜೀನತ್ ಜಹಾನ್, ಕೇರಳದ ಮುಸ್ಲಿಂ ಮಹಿಳೆ, ಅವರ ಪತಿ ನಿಧನರಾದರು. ಅವರಿಗೆ 3 ಮಕ್ಕಳಿದ್ದರು. ಅವರು ತಮ್ಮ ಹಿರಿಯ ಮಗನನ್ನು ತಮ್ಮ ಮನೆಯಲ್ಲಿಯೇ ಮದುವೆಯಾದರು.” ಎಂಬ ಶೀರ್ಷಿಕೆಯೊಂದಿಗೆ ಅನೇಕರು ಈ ವೀಡಿಯೋವನ್ನು ಹಂಚಿಕೊಂಡು ಇಸ್ಲಾಂ ಧರ್ಮವನ್ನು ತುಚ್ಚೀಕರಿಸುವಂತೆ ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ಇದನ್ನು ಬಲಪಂಥೀಯ ಮತ್ತು ಬಿಜೆಪಿ ಬೆಂಬಲಿಗರು ಹಂಚಿಕೊಳ್ಳುತ್ತಿದ್ದಾರೆ ಅವುಗಳನ್ನು ಇಲ್ಲಿ, ಇಲ್ಲಿ ಮತ್ತು ಇಲ್ಲಿ ನೋಡಬಹುದು.
💥 Big Breaking 💥
केरल में एक मुस्लिम औरत ने अपने सगे बेटे से किया निकाह।
दिन में अम्मी और रात में अम्मी जान 🤣🤣
वाह रे मज़े का हब 😁😁 pic.twitter.com/nXLvZyygRz
— बिजेंद्र सिंह चौधरी 💚मोदी का परिवार❤️🕉️ (@Krishna__Bhakt_) June 24, 2024
ಫ್ಯಾಕ್ಟ್‌ಚೆಕ್: ನಾವು Google ನಲ್ಲಿ ವೈರಲ್ ವೀಡಿಯೊದ ಕೀಫ್ರೇಮ್‌ಗಳ ರಿವರ್ಸ್‌ ಇಮೇಜ್ ಹುಡುಕಾಟವನ್ನು ಮಾಡಿದಾಗ, ಈ ವೀಡಿಯೊವನ್ನು ಹಲವಾರು ಪಾಕಿಸ್ತಾನಿ ಬಳಕೆದಾರರು 13 ಏಪ್ರಿಲ್ 2024 ರಂದು ಪೋಸ್ಟ್ ಮಾಡಿದ್ದಾರೆ ಎಂದು ಕಂಡುಬಂದಿದೆ. ಇಟ್ಕಾಫ್‌ನಿಂದ ಹಿಂತಿರುಗಿದ ನಂತರ ತಾಯಿ ತನ್ನ ಮಗನನ್ನು ಸ್ವಾಗತಿಸುತ್ತಿರುವುದನ್ನು ಈ ವೀಡಿಯೊ ತೋರಿಸುತ್ತದೆ.
ರಂಜಾನ್ ತಿಂಗಳಲ್ಲಿ ಮಾಡುವ ಪ್ರಾರ್ಥನೆಗಳಲ್ಲಿ ಇತ್ಕಾಫ್ ಕೂಡ ಒಂದು. ರಂಜಾನ್‌ನ ಮೂರನೇ ಆಶ್ರದಲ್ಲಿ, ಅಂದರೆ ರಂಜಾನ್‌ನ ಕೊನೆಯ 10 ದಿನಗಳಲ್ಲಿ, ಮುಸ್ಲಿಂ ಪುರುಷರು ಇತ್ಕಾಫ್‌ನಲ್ಲಿ ಮಸೀದಿಯಲ್ಲಿ ಕುಳಿತುಕೊಳ್ಳುತ್ತಾರೆ, ತಮ್ಮನ್ನು ಪ್ರಪಂಚದಿಂದ ಮತ್ತು ಕುಟುಂಬದಿಂದ ಬೇರ್ಪಡಿಸುತ್ತಾರೆ. ಈ ಸಮಯದಲ್ಲಿ, ಅವರು 10 ದಿನಗಳ ಕಾಲ ಮಸೀದಿಯಲ್ಲಿ ಪ್ರಾರ್ಥನೆ ಮಾಡುತ್ತಾರೆ ಮತ್ತು ಈದ್ ಚಂದ್ರನ ದರ್ಶನದ ನಂತರ ಮಾತ್ರ ಮನೆಗೆ ಮರಳುತ್ತಾರೆ.
ಈ ಕುರಿತು ಆಲ್ಟ್‌ ನ್ಯೂಸ್ ವರದಿಗಾರ ಮಹಮ್ಮದ್ ಜುಬೈರ್‌ ಸಹ ಸ್ಪಷ್ಟನೆ ನೀಡಿ ತಮ್ಮ ಎಕ್ಸ್ ಖಾತೆಯಲ್ಲಿ ಈ ವೈರಲ್ ವೀಡಿಯೋವನ್ನು ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ. “ಖುರಾನ್ ಮುಗಿದ ನಂತರ ತಾಯಿ ಮಗನನ್ನು ಅಭಿನಂದಿಸುತ್ತಿರುವ ವೀಡಿಯೊವನ್ನು ಮುಸ್ಲಿಂ ಮಹಿಳೆಯೊಬ್ಬಳು ತನ್ನ ಮಗನನ್ನು ಮದುವೆಯಾದಳು ಎಂಬ ಸುಳ್ಳು ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ. @swetasamadhiya ಈ ಖಾತೆಯನ್ನು ಪ್ರಧಾನಿ ನರೇಂದ್ರ ಮೋದಿ ಅನುಸರಿಸುತ್ತಿದ್ದಾರೆ.” ಎಂದು ಬರೆದುಕೊಂಡಿದ್ದಾರೆ.
The video of Mother congratulating Son after completion of the Quran is shared with a false claim that a Muslim woman married her son. This account @swetasamadhiya is followed by PM Narendra Modi. pic.twitter.com/JNnONsudqo
— Mohammed Zubair (@zoo_bear) June 23, 2024
ಇದೇ ಸಮಯದಲ್ಲಿ, ನಮ್ಮ ತಂಡವು ವೀಡಿಯೊದ ಮೂಲ ಮತ್ತು ಸ್ಥಳದ ಬಗ್ಗೆ ಮಾಹಿತಿಯನ್ನು ಸಂಗ್ರಹಿಸುತ್ತಿದೆ, ಮಾಹಿತಿ ಬಂದ ತಕ್ಷಣ ಸುದ್ದಿಯನ್ನು ನವೀಕರಿಸಲಾಗುತ್ತದೆ.
ವೈರಲ್ ಆಗಿರುವ ವಿಡಿಯೋ ಕೇರಳದ ಮುಸ್ಲಿಂ ತಾಯಿ-ಮಗನ ಮದುವೆಯಲ್ಲ ಫ್ಯಾಕ್ಟ್ ಚೆಕ್‌ನಿಂದ ಸ್ಪಷ್ಟವಾಗಿದೆ. ಈ ವೀಡಿಯೊ ಪಾಕಿಸ್ತಾನದಿಂದ ಬಂದಿದ್ದು, ರಂಜಾನ್ ತಿಂಗಳಲ್ಲಿ, ಇತ್ಕಾಫ್‌ನಿಂದ ಹಿಂದಿರುಗಿದ ನಂತರ ತಾಯಿ ತನ್ನ ಮಗನನ್ನು ಸ್ವಾಗತಿಸುತ್ತಿದ್ದಾರೆ. ಆದ್ದರಿಂದ, ವೀಡಿಯೋ ಹಂಚಿಕೊಂಡಿರುವವರ ಪ್ರತಿಪಾದನೆ ತಪ್ಪುದಾರಿಗೆಳೆಯುವಂತಿದೆ.
ಇದನ್ನು ಓದಿ: ಕರ್ನಾಟಕದಲ್ಲಿ ಜೈನ ಮುನಿಗೆ ಮುಸ್ಲಿಮರು ಹಲ್ಲೆ ನಡೆಸಿದ್ದಾರೆ ಎಂದು ಮಹೇಶ್ ವಿಕ್ರಂ ಹೆಗ್ಡೆ ಹಂಚಿಕೊಂಡಿದ್ದ ಸುಳ್ಳು ಮತ್ತೆ ವೈರಲ್
ವೀಡಿಯೋ ನೋಡಿ: ‘ಬೇಟ್ ದ್ವಾರಕಾ’ ತಮಗೆ ಸೇರಿದ್ದು ಎಂದು ಗುಜರಾತ್ ವಕ್ಫ್ ಮಂಡಳಿ ಹೇಳಿಕೊಂಡಿಲ್ಲ
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್‌ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ.
