ಇತ್ತೀಚೆಗೆ ಗ್ರಿಲ್ನಿಂದ ಮುಚ್ಚಿದ ಸಮಾಧಿಯ ಚಿತ್ರವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಪಾಕಿಸ್ತಾನಿ ಪೋಷಕರು ತಮ್ಮ ಮಗಳ ಶವವು ನೆಕ್ರೋಫಿಲಿಯಾಗೆ(ಶವದೊಟ್ಟಿಗೆ ಲೈಂಗಿಕ ಕ್ರಿಯೆ) ಬಲಿಯಾಗುವುದನ್ನು ತಪ್ಪಿಸಲು ಅವಳ ಸಮಾಧಿಯನ್ನು ಬೀಗದಿಂದ ಮುಚ್ಚಲಾಗುತ್ತಿದೆ ಎಂದು ಹಂಚಿಕೊಳ್ಳಲಾಗುತ್ತಿದೆ.
ಎಕ್ಸ್(ಟ್ವಿಟ್ಟರ್) ಬಳಕೆದಾರ ಹ್ಯಾರಿಸ್ ಸುಲ್ತಾನ್ ಅವರು ಗ್ರಿಲ್ ಮಾಡಿದ ಸಮಾಧಿಯ ಚಿತ್ರವನ್ನು ಮೊದಲು ಹಂಚಿಕೊಂಡ ನಂತರ ಈ ಚಿತ್ರ ವೈರಲ್ ಆಗಿದೆ, ಹ್ಯಾರಿಸ್ “ಪಾಕಿಸ್ತಾನವು ಎಷ್ಟು ಲೈಂಗಿಕವಾಗಿ ನಿರಾಶೆಗೊಂಡ ಸಮಾಜವನ್ನು ಸೃಷ್ಟಿಸಿದೆಯೆಂದರೆ, ಜನರು ಈಗ ತಮ್ಮ ಹೆಣ್ಣುಮಕ್ಕಳ ಮೇಲೆ ಅತ್ಯಾಚಾರ ವಾಗದಂತೆ ತಡೆಯಲು ಅವರ ಸಮಾಧಿಗಳ ಮೇಲೆ ಪ್ಯಾಡ್ಲಾಕ್ಗಳನ್ನು ಹಾಕುತ್ತಿದ್ದಾರೆ. ನೀವು ಬುರ್ಖಾವನ್ನು ಅತ್ಯಾಚಾರದೊಂದಿಗೆ ಲಿಂಕ್ ಮಾಡಿದಾಗ, ಅದು ನಿಮ್ಮನ್ನು ಸಮಾಧಿಗೆ ಹಿಂಬಾಲಿಸುತ್ತದೆ”. ಎಂದು ಶೀರ್ಷಿಕೆ ನೀಡಿ ಸಮಾದಿಯ ಚಿತ್ರವನ್ನು ಹಂಚಿಕೊಂಡಿದ್
ನಂತರ ಈ ಟ್ವೀಟ್ ಅನ್ನು ಹ್ಯಾರಿಸ್ ಸುಲ್ತಾನ್ ಅಳಿಸಿದ್ದಾರೆ, ಆದರೆ ಆರ್ಕೈವ್ ವೀಕ್ಷಿಸಲು ನೀವು ಇಲ್ಲಿ ಕ್ಲಿಕ್ ಮಾಡಬಹುದು.
ಎಕ್ಸ್ನಲ್ಲಿ ಮಾಡಿದ ಈ ಹೇಳಿಕೆಯನ್ನು ಪಾಕಿಸ್ತಾನದ ಸುದ್ದಿ ಸಂಸ್ಥೆ ಡೈಲಿ ಟೈಮ್ಸ್ ಎತ್ತಿಕೊಂಡಿದೆ, ಇದು ಮಹಿಳೆಯರ ವಿರುದ್ಧದ ಹಿಂಸಾಚಾರ ಮತ್ತು ಪಾಕಿಸ್ತಾನದಲ್ಲಿ ಹೆಚ್ಚುತ್ತಿರುವ ನೆಕ್ರೋಫಿಲಿಯಾ ಪ್ರಕರಣಗಳ ಬಗ್ಗೆ ಮಾತನಾಡಲು ಪ್ಯಾಡ್ಲಾಕ್ ಮಾಡಿದ ಸಮಾಧಿಗಳ ಪ್ರಕರಣವನ್ನು ಉಲ್ಲೇಖಿಸಿದೆ, ಆದರೆ ವೈರಲ್ ಚಿತ್ರವನ್ನು ಸೇರಿಸಲಿಲ್ಲ. ಪಾಕಿಸ್ತಾನದಲ್ಲಿ ‘ನೆಕ್ರೋಫಿಲಿಯಾ ಹೆಚ್ಚಳ’ ಇದೆ ಎಂದು ಲೇಖನವು ಹೇಳುತ್ತದೆ, ಆದರೆ ಈ ಹೇಳಿಕೆಯನ್ನು ಬೆಂಬಲಿಸಲು ಪುರಾವೆಗಳನ್ನು ಒದಗಿಸುವುದಿಲ್ಲ.
ಸುಲ್ತಾನ್ ಅವರ ಟ್ವೀಟ್ ಮತ್ತು ಡೈಲಿ ಟೈಮ್ಸ್ ಲೇಖನವನ್ನು ಸುದ್ದಿ ವರದಿಯಾಗಿ ಪ್ರಕಟಿಸಿದ ಭಾರತದ ಅನೇಕ ಸುದ್ದಿ ಸಂಸ್ಥೆಗಳು ಈ ಹೇಳಿಕೆಯ ಸತ್ಯಾಸತ್ಯತೆಯನ್ನು ಪರಿಶೀಲಿಸದೆ ಇದನ್ನು ವರದಿ ಮಾಡಿವೆ.
ಸುದ್ದಿ ಸಂಸ್ಥೆ ಎಎನ್ಐ ಬೀಗ ಹಾಕಿದ ಸಮಾಧಿಯ ಚಿತ್ರವನ್ನು ತೆಗೆದುಕೊಂಡು ಅದನ್ನು ಪಾಕಿಸ್ತಾನದಲ್ಲಿ ಹೆಚ್ಚುತ್ತಿರುವ ನೆಕ್ರೋಫಿಲಿಯಾ ಪ್ರಕರಣಗಳ ಬಗ್ಗೆ ವರದಿಯಾಗಿ ಪ್ರಸಾರ ಮಾಡಿತು, ನಂತರ ಅದನ್ನು ಅನೇಕ ಸುದ್ದಿ ಸಂಸ್ಥೆಗಳು ಮರುಪ್ರಕಟಿಸಿದವು. ವಿಯಾನ್, ಝೀ ನ್ಯೂಸ್, ಟೈಮ್ಸ್ ಆಫ್ ಇಂಡಿಯಾ, ಮಿರರ್ ನೌ, ಇಂಡಿಯಾ ಟಿವಿ, ಎನ್ಡಿಟಿವಿ, ಅಮರ್ ಉಜಾಲಾ, ಹಿಂದೂಸ್ತಾನ್ ಟೈಮ್ಸ್, ದಿ ಪ್ರಿಂಟ್, ಡಿಎನ್ಎ, ಒಪಿಇಂಡಿಯಾ ಹಿಂದಿ, ಎಬಿಪಿ ನ್ಯೂಸ್, ನ್ಯೂಸ್ 24, ದೈನಿಕ್ ಜಾಗರಣ್ ಮತ್ತು ಫಸ್ಟ್ ಪೋಸ್ಟ್ ಈ ಹೇಳಿಕೆಯನ್ನು ಪ್ರಸಾರ ಮಾಡಿವೆ.
ಫ್ಯಾಕ್ಟ್ ಚೆಕ್: ಈ ಕುರಿತು ಹೆಚ್ಚಿನ ಮಾಹಿತಿ ತಿಳಿಯಲು ನಾವು ರಿವರ್ಸ್ ಇಮೇಜ್ ಹುಡುಕಾಟದ ಜೊತೆಗೆ “ಗರ್ಲ್ಸ್ ಲಾಕ್ ಗ್ರೇವ್ ಪಾಕಿಸ್ತಾನ್” ಎಂಬಂತಹ ಕೀವರ್ಡ್ ಹುಡುಕಾಟವನ್ನು ನಡೆಸಿದೆವು, ಆದರೆ ನೆಕ್ರೋಫಿಲಿಯಾ ಆರೋಪಗಳನ್ನು ಸ್ವತಂತ್ರವಾಗಿ ಪರಿಶೀಲಿಸಿದ ಪಾಕಿಸ್ತಾನದ ಮಾಧ್ಯಮಗಳಿಂದ ಬೇರೆ ಯಾವುದೇ ಸುದ್ದಿ ವರದಿಯನ್ನು ಕಂಡುಹಿಡಿಯಲು ಸಾಧ್ಯವಾಗಲಿಲ್ಲ.
ಎಕ್ಸ್ ಬಳಕೆದಾರ ಹ್ಯಾರಿಸ್ ಸುಲ್ತಾನ್ ಅವರ ಮೂಲ ಟ್ವೀಟ್ಗೆ ಇತರ ಬಳಕೆದಾರರ ಉತ್ತರವನ್ನು ಓದುವಾಗ, ಹಲವಾರು ಬಳಕೆದಾರರು ವೈರಲ್ ಹೇಳಿಕೆಯ ಸತ್ಯಾಸತ್ಯತೆಯನ್ನು ಅನುಮಾನಿಸುತ್ತಿರುವುದನ್ನು ನಾವು ಕಂಡುಕೊಂಡಿದ್ದೇವೆ ಮತ್ತು ಸಮಾಧಿಯನ್ನು ಲಾಕ್ ಮಾಡಲು ಪ್ರತಿ ನಿರೂಪಣೆಗಳನ್ನು ಒದಗಿಸಿದ್ದಾರೆ. ಇತರರು ಸಮಾಧಿಗಳನ್ನು ಅಪವಿತ್ರಗೊಳಿಸುವುದನ್ನು ತಡೆಯಲು ಬೀಗವನ್ನು ಬಳಸಲಾಗುತ್ತದೆ ಎಂದು ಕೆಲವು ಬಳಕೆದಾರರು ಹೇಳಿದ್ದಾರೆ.
ಬೂಮ್ ಲೈವ್ ಎಂಬ ಸತ್ಯಶೋದನೆಯ ತಂಡ ಪಾಕಿಸ್ತಾನಿ ವರದಿಗಾರರೊಂದಿಗೆ ಮಾತನಾಡಿ, ಅಲ್ಲಿನ ಜನರು ನೆಕ್ರೋಫಿಲಿಯಾವನ್ನು ತಡೆಗಟ್ಟಲು ಪೋಷಕರು ಮಗಳ ಸಮಾಧಿಯನ್ನು ಲಾಕ್ ಮಾಡುತ್ತಿರುವ ಬಗ್ಗೆ ವಿಚಾರಿಸಿದಾಗ, ಅವರು ಅಂತಹ ಆರೋಪವನ್ನು ತಳ್ಳಿಹಾಕಿದ್ದಾರೆ. ಆದಾಗ್ಯೂ, ಒಂದು ಸ್ಥಳವನ್ನು ಕಾಯ್ದಿರಿಸಲು ಅಥವಾ ಸಮಾಧಿಯನ್ನು ಬೇರೊಬ್ಬರು ಬಳಸದಂತೆ ರಕ್ಷಿಸಲು ಸಮಾಧಿಯನ್ನು ಲಾಕ್ ಮಾಡುವುದು ಸಾಮಾನ್ಯ ಸಂಗತಿ ಎಂದು ತಿಳಿಸಿದ್ದಾರೆ.
ರಿವರ್ಸ್ ಇಮೇಜ್ ಹುಡುಕಾಟ ಫಲಿತಾಂಶಗಳ ಮೂಲಕ ನೋಡಿದಾಗ, ಹಸಿರು ಲೋಹದ ಗ್ರಿಲ್ನೊಂದಿಗೆ ಅದೇ ಸಮಾಧಿಯ ಚಿತ್ರಗಳನ್ನು ಒಳಗೊಂಡಿರುವ ಬಳಕೆದಾರರ @Gabbar0099 ಟ್ವೀಟ್ ಅನ್ನು ನಾವು ಕಂಡುಕೊಂಡಿದ್ದೇವೆ. ಇದು ಭಾರತದ ಹೈದರಾಬಾದ್ ನಲ್ಲಿದೆ ಎಂದು ಬಳಕೆದಾರರು ಹೇಳಿದ್ದಾರೆ.
This masjid is very nearer to my house. This Masjid name is Salaar-e-Mulk located at Darab jung Colony, Santosh nagar, Hyderabad
— Syed Salman (@iamsalmansallu) April 30, 2023
ಈ ಪೋಸ್ಟ್ಗೆ ಜನರ ಪ್ರತಿಕ್ರಿಯೆಗಳನ್ನು ನೋಡಿದಾಗ, ಸೈಯದ್ ಸಲ್ಮಾನ್ ಎಂಬ ಬಳಕೆದಾರರು ಹೈದರಾಬಾದ್ನ ದಾರಾಬ್ ಜಂಗ್ ಕಾಲೋನಿಯಲ್ಲಿರುವ ಸಲಾರ್-ಎ-ಮುಲ್ಕ್ ಎಂಬ ಮಸೀದಿಯ ಪಕ್ಕದಲ್ಲಿ ಈ ಸಮಾಧಿ ಇದೆ ಎಂದು ಹೇಳಿದ್ದಾರೆ. ನಾವು ಗೂಗಲ್ ನಕ್ಷೆಗಳಲ್ಲಿ ಮಸೀದಿಯನ್ನು ಪತ್ತೆಹಚ್ಚಿದ್ದೇವೆ ಮತ್ತು ಮಸೀದಿಯ ಮುಂಭಾಗದ ನೋಟವನ್ನು ಪಡೆಯಲು ಗೂಗಲ್ ಸ್ಟ್ರೀಟ್ ವ್ಯೂ ಅನ್ನು ಬಳಸಿದ್ದೇವೆ.
ವೈರಲ್ ಚಿತ್ರದಲ್ಲಿ ಕಂಡುಬರುವ ಹಸಿರು ಲೋಹದ ಗ್ರಿಲ್ನೊಂದಿಗೆ ಅದೇ ಸಮಾಧಿಯನ್ನು ಪ್ರವೇಶದ್ವಾರದಲ್ಲಿ ಕಂಡುಹಿಡಿಯಲು ನಮಗೆ ಸಾಧ್ಯವಾಯಿತು. ಎಐಎಂಐಎಂ ನಾಯಕ ವಾರಿಸ್ ಪಠಾಣ್ ಕೂಡ ಅದೇ ಸಮಾಧಿಯಲ್ಲಿ ತೆಗೆದ ವೀಡಿಯೊವನ್ನು ಹಂಚಿಕೊಂಡಿದ್ದು, ಸ್ಮಶಾನದ ಅಧಿಕಾರಿಯೊಬ್ಬರು ಲೋಹದ ಗ್ರಿಲ್ನಲ್ಲಿ ಪ್ಯಾಡ್ಲಾಕ್ ಹಿಂದಿನ ಕಾರಣವನ್ನು ವಿವರಿಸಿದ್ದಾರೆ. ಅಧಿಕಾರಿಯ ಹೇಳಿಕೆಯ ಪ್ರಕಾರ, ಇತರರು ಅದೇ ಸಮಾಧಿಯಲ್ಲಿ ಮತ್ತಷ್ಟು ಸಮಾಧಿಯಾಗದಂತೆ ತಡೆಯಲು ಮೃತರ ಕುಟುಂಬ ಸದಸ್ಯರು ಪ್ಯಾಡ್ಲಾಕ್ ಹಾಕಿದ್ದರು.
The truth about this grave 👇
(WA fwd). pic.twitter.com/308SNN4c4P
— Waris Pathan (@warispathan) April 30, 2023
ಇನ್ನೊಬ್ಬ ವ್ಯಕ್ತಿಯು ಸಮಾಧಿಗೆ ಭೇಟಿ ನೀಡುವ ವೀಡಿಯೊವನ್ನು ಪೋಸ್ಟ್ ಮಾಡಿ, ವೈರಲ್ ಫೋಟೋವನ್ನು ತಾನು ತೆಗೆದುಕೊಂಡಿದ್ದೇನೆ ಮತ್ತು ಸಮಾಧಿಯು ವಯಸ್ಸಾದ ಮಹಿಳೆಯಾಗಿದ್ದ ತನ್ನ ಸ್ನೇಹಿತನ ತಾಯಿಗೆ ಸೇರಿದೆ ಎಂದು ಹೇಳಿಕೊಂಡಿದ್ದಾನೆ. ವೀಡಿಯೊದಲ್ಲಿ, ಸ್ಮಶಾನವು ಭಾರತದ ಹೈದರಾಬಾದ್ನಲ್ಲಿದೆ ಎಂದು ಅವರು ಹೇಳುತ್ತಾರೆ ಮತ್ತು ಮಾಧ್ಯಮಗಳು ಹಂಚಿಕೊಂಡ ನೆಕ್ರೋಫಿಲಿಯಾ ಹೇಳಿಕೆಗಳನ್ನು ನಿರಾಕರಿಸುತ್ತಾರೆ.
ದಾರಾಬ್ ಜಂಗ್ ಕಾಲೋನಿಯ ಸ್ಥಳೀಯ ನಿವಾಸಿಯೊಂದಿಗೆ ಮಾತನಾಡಿರುವ ಬೂಮ್ ಲೈವ್ ಅವರು, ಸ್ಥಳಿಯ ನಿವಾಸಿ ಚಿತ್ರಗಳಲ್ಲಿ ಕಂಡುಬರುವ ಮಸೀದಿಯನ್ನು ಮಸ್ಜಿದ್ ಇ ಸಲಾರ್ ಮುಲ್ಕ್ ಎಂದು ಗುರುತಿಸಿದ್ದಾರೆ ಮತ್ತು ಅದರ ಪಕ್ಕದಲ್ಲಿ 50 ವರ್ಷಗಳಿಂದ ವಾಸಿಸುತ್ತಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.
ಕೋರಿಕೆಯ ಮೇರೆಗೆ, ಅವರು ಸ್ಮಶಾನಕ್ಕೆ ಭೇಟಿ ನೀಡಿ ಸ್ಮಶಾನದ ಉಸ್ತುವಾರಿಯೊಂದಿಗೆ ಸಮಾಧಿಯ ಫೋಟೋಗಳನ್ನು ಕಳುಹಿಸಿದ್ದಾರೆ. ಲೋಹದ ಗ್ರಿಲ್ ಬಳಕೆಯ ಬಗ್ಗೆ ಮಾತನಾಡಿದ ಅವರು, ಜನರು ತಮ್ಮ ಕುಟುಂಬ ಸದಸ್ಯರ ಸಮಾಧಿಗಳನ್ನು ಇತರರು ಸಮಾಧಿಗಾಗಿ ಮರುಬಳಕೆ ಮಾಡುವುದನ್ನು ತಡೆಯಲು ಇದನ್ನು ಜಾರಿಗೆ ತರಲಾಗಿದೆ ಎಂದು ಹೇಳಿದರು.
ನಂತರ, “ಸಮಾಧಿಗಳು ದುಬಾರಿಯಾಗಿವೆ, ಇದಕ್ಕೆ 15,000 ರೂ. ಗಳವರೆಗೆ ವೆಚ್ಚವಾಗಬಹುದು. ಆದ್ದರಿಂದ ಜನರು ಕೆಲವೊಮ್ಮೆ ಸಮಾಧಿ ಸ್ಥಳಗಳನ್ನು ಇತರರನ್ನು ಹೂಳಲು ಮರುಬಳಕೆ ಮಾಡುತ್ತಾರೆ. ಅವರನ್ನು ಕಬರ್ (ಸಮಾಧಿ) ಕಬಳಿಕೆದಾರರು ಎಂದು ಕರೆಯಲಾಗುತ್ತದೆ. ಇಂತಹ ಗ್ರಿಲ್ ಗಳನ್ನು ಕಬರ್ ಕಬಳಿಕೆದಾರರಿಂದ ರಕ್ಷಿಸಲು ಬಳಸಲಾಗುತ್ತದೆ.” ಎಂದಿದ್ದಾರೆ. ಸ್ಮಶಾನದ ಉಸ್ತುವಾರಿಯೊಂದಿಗೆ ಮಾತನಾಡಿರುವ ಅವರು, ಸ್ಮಶಾನದಲ್ಲಿ ನೆಕ್ರೋಫಿಲಿಯಾ ವರದಿಯಾದ ಯಾವುದೇ ಉದಾಹರಣೆ ಇಲ್ಲ ಎಂದು ಹೇಳಿದ್ದಾರೆ.
ನೆಕ್ರೋಫಿಲಿಯಾ ಎಂಬುದು ಒಂದು ಅಸಹಜ ಮತ್ತು ಅಮಾನುಷ ಮಾನಸಿಕ ಖಾಯಿಲೆಯಾಗಿದ್ದು ಈ ಮನೋರೋಗ ಇರುವವರು ಶವದೊಟ್ಟಿಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗುವ ಪ್ರವೃತ್ತಿಯವರಾಗಿರುತ್ತಾರೆ. ಈ ಪ್ರಕರಣಗಳು ಇತಿಹಾಸದುದ್ದಕ್ಕೂ ಇರುವುದನ್ನು ನೋಡಬಹುದು. ಇಂತಹ ಪ್ರಕರಣಗಳು ಹೆಚ್ಚು ಯುರೋಪ ರಾಷ್ಟ್ರಗಳಲ್ಲಿ ನಡೆದಿರುವುದು ಪತ್ತೆಯಾಗಿದ್ದು, ಜಪಾನ್ ಹೊರತು ಪಡಿಸಿ ಏಷ್ಯಾ ಖಂಡದಲ್ಲಿ ಇಂತಹ ಪ್ರಕರಣಗಳು ನಡೆದಿರುವ ಕಂಡು ಬರುವುದಿಲ್ಲ.
ಆದ್ದರಿಂದ, ವೈರಲ್ ಚಿತ್ರದಲ್ಲಿ ಕಂಡುಬರುವ ಸಮಾಧಿ ಭಾರತದಲ್ಲಿದೆ, ಪಾಕಿಸ್ತಾನದಲ್ಲಿಲ್ಲ ಮತ್ತು ನೆಕ್ರೋಫಿಲಿಯಾ ಪ್ರಕರಣಗಳೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಪುರಾವೆಗಳು ಸೂಚಿಸುತ್ತವೆ.
ಇದನ್ನು ಓದಿ: ಖ್ಯಾತ ಕ್ರಿಕೆಟಿಗ ಡೇವಿಡ್ ಮಿಲ್ಲರ್ ಹಿಂದೂ ಧರ್ಮಕ್ಕೆ ಮತಾಂತರವಾಗಿದ್ದಾರೆ ಎಂಬುದು ಸುಳ್ಳು
ವೀಡಿಯೋ ನೋಡಿ: ನಾನು ಹಿಂದೂ-ಮುಸ್ಲಿಂ ರಾಜಕೀಯ ಮಾಡುವುದಿಲ್ಲ ಎಂಬ ಮೋದಿ ಹೇಳಿಕೆ ಸುಳ್ಳು
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್ಚೆಕ್ ವಾಟ್ಸಾಪ್ ನಂಬರ್ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ
