Fact Check: ಕೇರಳದ ಇಡುಕ್ಕಿಯ ಭೂಕುಸಿತದ 2020ರ ಹಳೆಯ ಫೋಟೋವನ್ನು ವಯನಾಡ್‌ನ ಇತ್ತೀಚಿನ ಫೋಟೋ ಎಂದು ತಪ್ಪಾಗಿ ಹಂಚಿಕೆ

ಹಲವಾರು ಮಾಧ್ಯಮಗಳು ಮತ್ತು ಸಾಮಾಜಿಕ ಮಾಧ್ಯಮ ಬಳಕೆದಾರರು ಭೂಕುಸಿತದ ನಂತರ ನೆಲದ ಮೇಲೆ ಬಿದ್ದಿರುವ ಅವಶೇಷಗಳನ್ನು ತೋರಿಸುವ ಚಿತ್ರವನ್ನು ಕೇರಳದ ವಯನಾಡ್ ಎಂದು ಹಂಚಿಕೊಂಡಿದ್ದಾರೆ.

ಜುಲೈ 30 ರಂದು ಭಾರಿ ಮಳೆಯ ನಡುವೆ ವಯನಾಡ್ ಜಿಲ್ಲೆಯಲ್ಲಿ ಸಂಭವಿಸಿದ ಸರಣಿ ಭೂಕುಸಿತದಲ್ಲಿ 150 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ ಮತ್ತು 186 ಜನರು ಗಾಯಗೊಂಡಿದ್ದಾರೆ.

ಈ ಪೋಟೋವನ್ನು ಔಟ್ಲುಕ್, ನಾರ್ತ್ ಈಸ್ಟ್ ಲೈವ್, ಹಿಂದೂಸ್ತಾನ್ ಟೈಮ್ಸ್, ದಿ ಎಕನಾಮಿಕ್ ಟೈಮ್ಸ್, ಆಲ್ ಇಂಡಿಯಾ ರೇಡಿಯೋ ನ್ಯೂಸ್, ಡಿಡಿ ನ್ಯೂಸ್, ಎನ್ಡಿಟಿವಿ, ಟೈಮ್ಸ್ ನೌ ತಮಿಳು, ಅಮರ್ ಉಜಾಲಾ, ಜೀ ನ್ಯೂಸ್ ಹಿಂದಿ, ಮಾತೃಭೂಮಿ, ಇಂಗ್ಲಿಷ್ ಜಾಗರಣ್, ಎಬಿಪಿ ಲೈವ್, ಓಂಮನೋರಮಾ, ಸ್ವರ್ಗ್ಯ, ಡೆಕ್ಕನ್ ಹೆರಾಲ್ಡ್ ಮತ್ತು ಸುದ್ದಿ ಸಂಸ್ಥೆ ಐಎಎನ್ಎಸ್ ಸೇರಿದಂತೆ ಅನೇಕ ಸುದ್ದಿ ಸಂಸ್ಥೆಗಳು ವಯನಾಡ್ ನ ಇತ್ತೀಚಿನ ಚಿತ್ರವೆಂದು ಈ ಪೋಟೋವನ್ನು ಸಹ ಹಂಚಿಕೊಂಡಿದ್ದಾರೆ.

ಇದೇ ರೀತಿಯ ಹಕ್ಕುಗಳ  ಪ್ರತಿಪಾದನೆಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.

ಫ್ಯಾಕ್ಟ್‌ ಚೆಕ್:

ಈ ಚಿತ್ರವು ಆಗಸ್ಟ್ 2020 ರದ್ದಾಗಿದ್ದು, ಕೇರಳದ ಇಡುಕ್ಕಿಯಲ್ಲಿ ಸಂಭವಿಸಿದ ಭೂಕುಸಿತದ್ದಾಗಿದೆ. ನಾವು ಗೂಗಲ್‌ನಲ್ಲಿ ಚಿತ್ರವನ್ನು ಬಳಸಿ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದಾಗ ಇದೇ ಚಿತ್ರವು 2020 ರ ಹಲವಾರು ಹಳೆಯ ಲೇಖನಗಳಲ್ಲಿ ಇರುವುದು ಕಂಡುಬಂದಿದೆ.

ವಯನಾಡ್ನಲ್ಲಿನ ಪ್ರಸ್ತುತ ದುರಂತದ ಬಗ್ಗೆ ಇನ್ನಷ್ಟು:

ಜುಲೈ 30 ರಂದು ವಯನಾಡ್ ಜಿಲ್ಲೆಯಲ್ಲಿ ನಾಲ್ಕು ಗಂಟೆಗಳಲ್ಲಿ ಮೂರು ವಿನಾಶಕಾರಿ ಭೂಕುಸಿತಗಳು ಸಂಭವಿಸುವ ಮೊದಲು ಕೇರಳದಲ್ಲಿ 24 ಗಂಟೆಗಳಲ್ಲಿ 372 ಮಿ.ಮೀ ಮಳೆಯಾಗಿದೆ. ವಯನಾಡಿನ ಪ್ರವಾಹ ಪೀಡಿತ ಪ್ರದೇಶಗಳಿಂದ ಸೇನೆಯು ಈವರೆಗೆ 1,000 ಕ್ಕೂ ಹೆಚ್ಚು ಜನರನ್ನು ಯಶಸ್ವಿಯಾಗಿ ಸ್ಥಳಾಂತರಿಸಿದೆ.

ಇಡುಕ್ಕಿ, ತ್ರಿಶೂರ್, ಪಾಲಕ್ಕಾಡ್, ಮಲಪ್ಪುರಂ, ಕೋಝಿಕೋಡ್, ವಯನಾಡ್, ಕಣ್ಣೂರು ಮತ್ತು ಕಾಸರಗೋಡು ಜಿಲ್ಲೆಗಳಿಗೆ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ. ಪಥನಂತಿಟ್ಟ, ಅಲಪ್ಪುಳ, ಕೊಟ್ಟಾಯಂ ಮತ್ತು ಎರ್ನಾಕುಲಂ ಜಿಲ್ಲೆಗಳಲ್ಲಿ ಆರೆಂಜ್ ಅಲರ್ಟ್ ಘೋಷಿಸಲಾಗಿದೆ.

ಆದ್ದರಿಂದ, ಕೇರಳದ ಇಡುಕ್ಕಿಯಲ್ಲಿ ಭೂಕುಸಿತದ 2020 ರ ಹಳೆಯ ಫೋಟೋವನ್ನು ವಯನಾಡ್‌ನ ಇತ್ತೀಚಿನ ಫೋಟೋ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ.

ಇದನ್ನು ಓದಿ: ಬಿಜೆಪಿಯ ಮೇಧಾ ಕುಲಕರ್ಣಿ ಮರಾಠಿಯಲ್ಲಿ ಮಾತನಾಡುವುದಕ್ಕೆ ಶಿವಸೇನೆಯ ಪ್ರಿಯಾಂಕಾ ಚತುರ್ವೇದಿ ಆಕ್ಷೇಪ ವ್ಯಕ್ತಪಡಿಸಿಲ್ಲ

ವೀಡಿಯೋ ನೋಡಿ: ಕೆಳಗೆ ಬಿದ್ದ ಆಹಾರವನ್ನು 5 ಸೆಕೆಂಡ್‌ಗಳ ಒಳಗೆ ತೆಗೆದು ಸೇವಿಸಿದರೂ ಅಪಾಯ ತಪ್ಪಿದ್ದಲ್ಲ

ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್‌ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ