ಸಣ್ಣ ಕೋಣೆಗಳಲ್ಲಿ ಕೆಲವು ಜನರನ್ನು ತೋರಿಸುವ ವೀಡಿಯೊವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ವಿಡಿಯೋವನ್ನು “ಪಾಕಿಸ್ತಾನ ಸೇನೆಯ ಜೈಲುಗಳಲ್ಲಿ ಪಶ್ತೂನ್ ಮತ್ತು ಬಲೂಚ್ ಮೇಲೆ ನಡೆಸಿದ ಕ್ರೌರ್ಯಗಳು ಹೇಳಲಾಗದವು” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ.
ಪೋಸ್ಟ್ ನ ಆರ್ಕೈವ್ ಅನ್ನು ಇಲ್ಲಿ ಕಾಣಬಹುದು.
ಇದೇ ರೀತಿಯ ಪ್ರತಿಪಾದನೆಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
ಫ್ಯಾಕ್ಟ್‌ ಚೆಕ್:
ಈ ಮಾಹಿತಿ ಸುಳ್ಳಾಗಿದ್ದು, ವಿಯೆಟ್ನಾಂನ ಕಾನ್ ಡಾವೊ ಎಂಬ ಕಾರಾಗೃಹವನ್ನು ಈ ವಿಡಿಯೋದಲ್ಲಿ ತೋರಿಸಲಾಗಿದೆ, ಅದನ್ನು ಈಗ ವಸ್ತುಸಂಗ್ರಹಾಲಯವಾಗಿ ಪರಿವರ್ತಿಸಲಾಗಿದೆ.
ನಮ್ಮ ತಂಡ ವೈರಲ್ ಪೋಸ್ಟ್ ಅನ್ನು ಪರಿಶೀಲಿಸಿದಾಗ, ಎಕ್ಸ್ ನಲ್ಲಿ @ShafeKoreshe ಎಂಬ ಹೆಸರಿನ ಪಾಕಿಸ್ತಾನಿ ಪತ್ರಕರ್ತನ ಕಾಮೆಂಟ್ ಅನ್ನು ನಾವು ನೋಡಿದ್ದೇವೆ. “ಈ ವಿಡಿಯೋ ಪಾಕಿಸ್ತಾನದ್ದಲ್ಲ. ಖೈಬರ್ ಪಖ್ತುನ್ಖ್ವಾ ಮತ್ತು ಬಲೂಚಿಸ್ತಾನದ ಕೆಲವು ದಾಖಲೆಗಳು ಇದನ್ನು ಕೆಲವು ದಿನಗಳಿಂದ ಮಿಲಿಟರಿ ಜೈಲು ಎಂದು ಪ್ರಸ್ತುತಪಡಿಸುತ್ತಿವೆ. ನಿಮ್ಮ ಕಣ್ಣು ಮತ್ತು ಮನಸ್ಸನ್ನು ಮುಚ್ಚಿ ಪ್ರತಿಯೊಂದು ವೀಡಿಯೊವನ್ನು ಪ್ಲೇ ಮಾಡಬೇಡಿ. ಇದು ವಿಯೆಟ್ನಾಂನ ಕಾನ್ ಡಾವೊ ಎಂಬ ಜೈಲಿಗೆ ಸೇರಿದೆ, ಇದನ್ನು ಈಗ ವಸ್ತುಸಂಗ್ರಹಾಲಯವಾಗಿ ಪರಿವರ್ತಿಸಲಾಗಿದೆ.) ಎಂದು ಅವರು ಬರೆದಿದ್ದಾರೆ.
#Fake
#Balochistan #KhyberPakhtunkhwa
👈 یہ ویڈیو پاکستان کی نہیں ہے. چند دن سے خیبر پختونخوا اور بلوچستان کے کچھ اکاؤنٹ اس کو فوجی قیدخانہ کے طور پر پیش کر رہے ہیں. ہر ویڈیو کو آنکھیں اور دماغ بند کرکے آگے نہ چلا دیا کریں.👈 یہ ویت نام کے کون ڈاؤ نامی جیل کی ہے جو اب ایک… pic.twitter.com/4xrmrS7bZp
— Shafek Koreshe (@shafeKoreshe) September 18, 2024
ನಂತರ, ನಾವು ವೀಡಿಯೊವನ್ನು ಅನೇಕ ಸ್ಕ್ರೀನ್ಶಾಟ್‌ಗಳಾಗಿ ವಿಂಗಡಿಸಿ ಅವುಗಳಲ್ಲಿ ಕೆಲವನ್ನು ಗೂಗಲ್ ರಿವರ್ಸ್ ಇಮೇಜ್ ಮೂಲಕ ಹುಡುಕಾಟವನ್ನು ನಡೆಸಿದಾಗ, ಓಹ್ ಕಾನ್ ದಾವೋ ಎಂಬ ಚಾನೆಲ್‌ನಲ್ಲಿ ಮೇ 2023 ರ ಯೂಟ್ಯೂಬ್ ವೀಡಿಯೊವನ್ನು ನಾವು ನೋಡಿದ್ದೇವೆ. ಇದು ವೈರಲ್ ವಿಡಿಯೋದಂತೆಯೇ ಬಾಗಿಲುಗಳು ಮತ್ತು ದೃಶ್ಯಗಳನ್ನು ತೋರಿಸುತ್ತದೆ.
‘ಫೈಂಡ್ ಪೆಂಗ್ವಿನ್ಸ್‘ ಎಂಬ ಮತ್ತೊಂದು ವೆಬ್ಸೈಟ್ ವಿಯೆಟ್ನಾಂನ ಈ ಜೈಲಿನ ಬಗ್ಗೆ ಉಲ್ಲೇಖಿಸಿದೆ. ಕಾನ್ ಡಾವೊ ದ್ವೀಪದ ಜೈಲು ವಿಯೆಟ್ನಾಂನ ಕಾನ್ ಡಾವೊ ದ್ವೀಪಗಳಲ್ಲಿದೆ ಮತ್ತು ದಂಡನಾ ವಸಾಹತು ಆಗಿ ಕಾರ್ಯನಿರ್ವಹಿಸುತ್ತದೆ ಎಂದು ಅವರು ವಿವರಣೆ ನೀಡಿದ್ದಾರೆ. ಕಠಿಣ ವಾತಾವರಣಕ್ಕೆ ಹೆಸರುವಾಸಿಯಾದ ವಿಯೆಟ್ನಾಂನ ಫ್ರೆಂಚ್ ವಸಾಹತುಶಾಹಿ ಸರ್ಕಾರ ಮತ್ತು ನಂತರ ದಕ್ಷಿಣ ವಿಯೆಟ್ನಾಂ ಸರ್ಕಾರವು ವಿಯೆಟ್ನಾಂ ಯುದ್ಧವನ್ನು ವಿರೋಧಿಸಿದವರು ಸೇರಿದಂತೆ ರಾಜಕೀಯ ಕೈದಿಗಳನ್ನು ಬಂಧಿಸಲು ಈ ಜೈಲನ್ನು ಬಳಸಿಕೊಂಡಿತು.
ಚಿತ್ರಹಿಂಸೆ, ಕೈದಿಗಳನ್ನು ಅಮಾನವೀಯವಾಗಿ ನಡೆಸಿಕೊಳ್ಳುವುದು ಮತ್ತು ಮರಣ ಪ್ರಮಾಣವನ್ನು ಹೆಚ್ಚಿಸುವುದಕ್ಕೆ ಜೈಲು ಕುಖ್ಯಾತವಾಯಿತು. ಹೋ ಚಿ ಮಿನ್ಹ್ ನಂತಹ ಹಲವಾರು ಪ್ರಸಿದ್ಧ ವ್ಯಕ್ತಿಗಳನ್ನು ಕಾನ್ ದಾವೊದಲ್ಲಿ ಬಂಧಿಸಲಾಯಿತು. ಈ ಜೈಲು 1970 ರ ದಶಕದಲ್ಲಿ ಮುಚ್ಚಲ್ಪಟ್ಟಿತು, ಆದರೂ ಇದನ್ನು ವಸ್ತುಸಂಗ್ರಹಾಲಯವಾಗಿ ಉಳಿಸಿಕೊಳ್ಳಲಾಗಿದೆ ಮತ್ತು ಪ್ರಸ್ತುತ ವಿಯೆಟ್ನಾಂನಲ್ಲಿ ಪ್ರವಾಸಿಗರಿಗೆ ಹೆಚ್ಚು ಇಷ್ಟವಾದ ಸ್ಥಳವಾಗಿದೆ.
ಲೇಖನದಲ್ಲಿನ ಫೋಟೋ ಗ್ಯಾಲರಿ ವೈರಲ್ ವಿಡಿಯೋದ ಹೋಲಿಕೆಗಳನ್ನು ತೋರಿಸಿದೆ. ಸ್ಥಳೀಯ ವಿಯೆಟ್ನಾಂ ಸುದ್ದಿ ಸಂಸ್ಥೆ ವಿಯೆಟ್ನಾಂ ನೆಟ್ ಈ ಕಾರಾಗೃಹವನ್ನು “ಭೂಮಿಯ ಮೇಲಿನ ನರಕ” ಎಂದು ಕರೆದಿದೆ. ‘ಹುಲಿ ಪಂಜರಗಳು’ ಎಂದು ಕರೆಯಲ್ಪಡುವ ಸೆಲ್ ಗಳು ಹಲವಾರು ಕೈದಿಗಳನ್ನು ಒಳಗೊಂಡಿದ್ದವು, 5 ರಿಂದ 12 ವ್ಯಕ್ತಿಗಳನ್ನು ಒಂದೇ ಕೋಣೆಯಲ್ಲಿ ತುಂಬಿದ್ದರು. ಅವರು ಮಲಗಲು ಸ್ಥಳವಿಲ್ಲದೆ ಒಂದೇ ಸ್ಥಳದಲ್ಲಿ ತಿನ್ನಬೇಕು, ವಿಶ್ರಾಂತಿ ಪಡೆಯಬೇಕು, ಮಲವಿಸರ್ಜನೆ ಮಾಡಬೇಕು ಮತ್ತು ಮೂತ್ರ ವಿಸರ್ಜಿಸಬೇಕಾಗಿತ್ತು.
ಜೈಲಿನ ಪರಿಸ್ಥಿತಿಯನ್ನು ಚಿತ್ರಿಸಲು ಸೆಲ್ ನಲ್ಲಿ ಡಮ್ಮಿಗಳು ಇಲ್ಲಿವೆ.
ಪಾಕಿಸ್ತಾನದ ನೈಋತ್ಯ ದಿಕ್ಕಿನಲ್ಲಿರುವ ಬಲೂಚಿಸ್ತಾನ ಪ್ರಾಂತ್ಯದಲ್ಲಿ ಬಂಡಾಯವು ದೀರ್ಘಕಾಲದ ಸಮಸ್ಯೆಯಾಗಿದೆ. ಅನೇಕ ಬಂಡುಕೋರ ಬಣಗಳು ಈ ಪ್ರದೇಶದೊಳಗೆ ದಾಳಿಗಳನ್ನು ಪ್ರಾರಂಭಿಸುವಲ್ಲಿ ಮುಂದುವರಿಯುತ್ತಿವೆ. ಈ ಸಂಘಟನೆಗಳಲ್ಲಿ ಅನೇಕವು ಪಾಕಿಸ್ತಾನದಿಂದ ಬಲೂಚಿಸ್ತಾನದ ಸ್ವಾತಂತ್ರ್ಯವನ್ನು ಪ್ರತಿಪಾದಿಸುತ್ತಿವೆ.
ಅಕ್ಟೋಬರ್ 2 ರಂದು ಬಿಡುಗಡೆ ಮಾಡಿದ ಹೇಳಿಕೆಯ ಪ್ರಕಾರ, ಭದ್ರತಾ ಪಡೆಗಳು ಅಫ್ಘಾನಿಸ್ತಾನದ ಬಳಿಯ ಬಲೂಚಿಸ್ತಾನ್ ಪ್ರಾಂತ್ಯದ ಹರ್ನೈ ಪ್ರದೇಶದಲ್ಲಿ ದಾಳಿ ನಡೆಸಿದ್ದು, ಬಲೂಚ್ ಲಿಬರೇಶನ್ ಆರ್ಮಿಯ ಉಗ್ರರನ್ನು ಗುರಿಯಾಗಿಸಿಕೊಂಡಿವೆ ಎಂದು ಡಾಯ್ಚ ವೆಲ್ಲೆ (ಡಿಡಬ್ಲ್ಯೂ) ನ್ಯೂಸ್ ವರದಿ ಮಾಡಿದೆ.
ಆದ್ದರಿಂದ ಪಾಕಿಸ್ತಾನ ಸೇನೆಯು ಪಶ್ತೂನ್ ಮತ್ತು ಬಲೂಚ್ ಜನರಿಗೆ ಚಿತ್ರಹಿಂಸೆ ನೀಡುತ್ತಿದೆ ಎಂಬ ಸುಳ್ಳು ಹೇಳಿಕೆಯೊಂದಿಗೆ ವಿಯೆಟ್ನಾಂನ ಜೈಲಿನ ವೀಡಿಯೊ ವೈರಲ್ ಆಗಿದೆ.
ಇದನ್ನು ಓದಿ: ವಕ್ಫ್ ತಿದ್ದುಪಡಿ ವಿರೋಧಿಸಿ ದೆಹಲಿಯಲ್ಲಿ ಮುಸ್ಲಿಮರ ಪ್ರತಿಭಟನೆ ಎಂದು ಕಾಲಾ ತಾಜಿಯಾ ಮೆರವಣಿಗೆಯ ವಿಡಿಯೋ ಹಂಚಿಕೆ
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್‌ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ.
