FACT CHECK : ಮಹಾಕುಂಭ ಮೇಳದಲ್ಲಿ ಅಸಾದುದ್ದೀನ್ ಓವೈಸಿ ಸ್ನಾನ ಮಾಡಿದ್ದಾರೆ ಎಂದು AI ರಚಿತ ವಿಡಿಯೋ ಹಂಚಿಕೊಳ್ಳಲಾಗುತ್ತಿದೆ

ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿರುವ ಮಹಾಕುಂಭ ಮೇಳದಲ್ಲಿ ಲಕ್ಷಾಂತರ ಜನರು  ಭಾಗವಹಿಸುತ್ತಿದ್ದಾರೆ. ಈ ನಡುವೆ, ಎಐಎಂಐಎಂ ನಾಯಕ ಮತ್ತು ಹೈದರಾಬಾದ್ ಲೋಕಸಭಾ ಕ್ಷೇತ್ರದ ಸಂಸದ ಅಸಾದುದ್ದೀನ್ ಓವೈಸಿ ಕುಂಭಮೇಳದಲ್ಲಿ ಸ್ನಾನ ಮಾಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಈ ವಿಡಿಯೋವನ್ನು ನಿಜವೆಂದು ಭಾವಿಸಿ ಅನೇಕ ಜನರು ಹಂಚಿಕೊಳ್ಳುತ್ತಿದ್ದಾರೆ.

ಹಿಂದೂ ತನವಾಲಾ ಯೋಗೇಶ್ ಎಂಬ ಎಕ್ಸ್ ಬಳಕೆದಾರ, “ನಿಮ್ಮ ವಂಶಸ್ಥರ ಪಾಪಗಳನ್ನು ತೊಳೆಯಲು ಮಹಾಕುಂಭಕ್ಕೆ ಬನ್ನಿ” ಎಂದು‌ ಬರೆದುಕೊಂಡು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಈ ಬಗ್ಗೆ ಕನ್ನಡ ಫ್ಯಾಕ್ಟ್‌ಚೆಕ್‌ನಲ್ಲಿ ಪರಿಶೀಲನೆ ನಡೆಸೋಣ.

 

ಫ್ಯಾಕ್ಟ್‌ಚೆಕ್‌

ಹೈದರಾಬಾದ್ ಲೋಕಸಭಾ ಕ್ಷೇತ್ರದ ಸಂಸದ ಅಸಾದುದ್ದೀನ್ ಓವೈಸಿ ಕುಂಭಮೇಳದಲ್ಲಿ ಸ್ನಾನ ಮಾಡುತ್ತಿರುವ ವಿಡಿಯೋ ಕೃತಕ ಬುದ್ಧಿಮತ್ತೆಯ(AI) ಸಹಾಯದಿಂದ ರಚಿಸಲಾಗಿದೆ ಎಂಬುದನ್ನು ನಮ್ಮ  ಕನ್ನಡ ಫ್ಯಾಕ್ಟ್‌ಚೆಕ್‌ ತಂಡವು ಕಂಡುಹಿಡಿದಿದೆ. AI ರಚಿತವಾದ ವಿಡಿಯೋವನ್ನು ಸುಳ್ಳು ನಿರೂಪಣೆಯೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ.

ಈ ವಿಡಿಯೋವನ್ನು ಎಚ್ಚರಿಕೆಯಿಂದ ವೀಕ್ಷಿಸಿದಾಗ, ವಿಡಿಯೋದ ಹಲವು ಸ್ಥಳಗಳಲ್ಲಿ ಜರ್ಕ್‌ ಮೋಷನ್ ಗೋಚರಿಸುತ್ತದೆ ಮತ್ತು ಓವೈಸಿಯ ಮುಖಭಾವಗಳು ಸಹ ಅನಿಮೇಟೆಡ್ ಆಗಿ ಕಂಡು ಬಂದಿದೆ.ಹಾಗಾಗಿ ಈ ವಿಡಿಯೋ ಕ್ಲಿಪ್ ಅನ್ನು AI ನಿಂದ ರಚಿಸಿರಬಹುದು ಎಂದು ನಮ್ಮ ಕನ್ನಡ ಫ್ಯಾಕ್ಟ್‌ಚೆಕ್‌ ತಂಡ ಶಂಕಿಸಿದ್ದು, AI ವಿಡಿಯೋ ಪತ್ತೆ ಸಾಧನವಾದ ಹೈವ್ ಮಾಡರೇಶನ್‌ ಮೂಲಕ ಪರಿಶೀಲಿಸಿದ್ದೇವೆ. ಈ ಸಾಧನವು ಈ ವಿಡಿಯೋವನನು  94.9 ಪ್ರತಿಶತ  AI  ರಚಿತ ಎಂದು ಸೂಚಿಸಿದೆ.

ಈ ವಿಡಿಯೋವನ್ನು ಮತ್ತೊಂದು AI ವಿಡಿಯೋ ಪತ್ತೆ ಸಾಧನ, DeepWareನೊಂದಿಗೆ ಪರಿಶೀಲಿಸಿದಾಗ,  ಇದು 98 ಪ್ರತಿಶತ AIನಿಂದ  ರಚಿಸಲಾಗಿದೆ ಎಂದು ಸೂಚಿಸಿದೆ.

ಈ ವಿಡಿಯೋದ  ಬಗ್ಗೆ  AI ತಜ್ಞ ಅಂಶ್ ಮೆಹ್ರಾ ಅವರೊಂದಿಗೆ ವಿಚಾರಿಸಿದಾಗ “ಇದು ಎಐ ಮಾಡಿರುವ ವಿಡಿಯೋ ಎಂದು ಅವರು ಹೇಳಿದ್ದು, ವಿಡಿಯೋದ ಚಲನೆ, ಹಿನ್ನೆಲೆ ಮತ್ತು ಅಭಿವ್ಯಕ್ತಿಗಳನ್ನು ಎಚ್ಚರಿಕೆಯಿಂದ ನೋಡಿದರೆ, ಈ ವಿಡಿಯೋ ನೈಜವಲ್ಲ ಎಂದು ಸ್ಪಷ್ಟವಾಗುತ್ತದೆ” ಎಂದು ಅವರು ಹೇಳಿದ್ದಾರೆ.

ಒಟ್ಟಾರೆಯಾಗಿ ಹೇಳುವುದಾದರೆ,  ಅಸಾದುದ್ದೀನ್ ಓವೈಸಿ ಕುಂಭಮೇಳದಲ್ಲಿ ಸ್ನಾನ ಮಾಡುತ್ತಿದ್ದಾರೆ ಎಂದು ಕೃತಕ ಬುದ್ಧಿಮತ್ತೆಯ(AI) ಸಹಾಯದಿಂದ ರಚಿಸಿದ ವಿಡಿಯೋವನ್ನು ಹಂಚಿಕೊಳ್ಳಲಾಗುತ್ತಿದೆ.


ಇದನ್ನು ಓದಿದ್ದೀರಾ?  Fact Check: ಮಹಾಕುಂಭ ಮೇಳದಲ್ಲಿ ಅಗ್ನಿ ಸುರಕ್ಷತೆ ಮತ್ತು ಸ್ಥಳದಲ್ಲಿ ಅಗ್ನಿ ಶಾಮಕಗಳು ಇಲ್ಲ ಎಂಬುದು ಸುಳ್ಳು


ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್‌ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ.

Leave a Reply

Your email address will not be published. Required fields are marked *