ಚಿರತೆಗಳು ವ್ಯಕ್ತಿಯೊಬ್ಬನ ಬಳಿ ನೆಲದ ಮೇಲೆ ಮಲಗಿರುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದ್ದು, ಈ ವಿಡಿಯೋವನ್ನು ಹಂಚಿಕೊಂಡಿರುವ ಬಳಕೆದಾರರು, ರಾಜಸ್ಥಾನದ ದೇವಾಲಯವೊಂದರಲ್ಲಿ, ಚಿರತೆಗಳ ಕುಟುಂಬವು ಅರ್ಚಕರ ಬಳಿ ಪ್ರತೀದಿನ ಬಂದು ಮಲಗುತ್ತದೆ ಎಂದು ಪ್ರತಿಪಾದಿಸಲಾಗುತ್ತಿದೆ.
ವೈರಲ್ ಪೋಸ್ಟ್ ಅನ್ನು ಹಂಚಿಕೊಂಡ ಫೇಸ್ಬುಕ್ ಬಳಕೆದಾರರು, “ರಾಜಸ್ಥಾನದ ಸಿರೋಹಿ ಗ್ರಾಮದ ಪಿಪ್ಲೇಶ್ವರ ಮಹಾದೇವ್ ದೇವಾಲಯದ ಅರ್ಚಕರ ಬಳಿ ಚಿರತೆಗಳ ಕುಟುಂಬವು ಬಂದು ಮಲಗಿದೆ ಎಂಬ ವದಂತಿ ಇತ್ತು. ಸರ್ಕಾರಿ ವನ್ಯಜೀವಿ ಇಲಾಖೆಗೆ ಮಾಹಿತಿ ಬಂದ ಕೂಡಲೇ ಅವರು ಅಲ್ಲಿ ಸಿಸಿಟಿವಿ ಕ್ಯಾಮೆರಾಗಳನ್ನು ಅಳವಡಿಸಿದರು. ಈ ಸುಂದರ ನೋಟವನ್ನು ನೋಡಿ.” ಎಂದು ಬರೆದು ವಿಡಿಯೋ ಹಂಚಿಕೊಂಡಿದ್ದಾರೆ.
ಪೋಸ್ಟ್ ನ ಆರ್ಕೈವ್ ಮಾಡಿದ ಆವೃತ್ತಿಯನ್ನು ಇಲ್ಲಿ ನೋಡಬಹುದು.
ಫ್ಯಾಕ್ಟ್ ಚೆಕ್:
ವೈರಲ್ ವಿಡಿಯೋ ಕುರಿತು ಹೆಚ್ಚಿನ ಮಾಹಿತಿ ತಿಳಿಯಲು ಕೀಫ್ರೇಮ್ಗಳನ್ನು ಬಳಸಿ ಗೂಗಲ್ ಲೆನ್ಸ್ ಮೂಲಕ ಹುಡುಕಿದಾಗ, ಡಿಸೆಂಬರ್ 14, 2019 ರಂದು ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಲಾದ ವೈರಲ್ ವಿಡಿಯೋವನ್ನು ನಾವು ಕಂಡುಕೊಂಡಿದ್ದೇವೆ. ಒಟ್ಟು 6:23 ನಿಮಿಷಗಳ ಈ ವಿಡಿಯೋದೊಂದಿಗೆ ನೀಡಲಾದ ಮಾಹಿತಿಯ ಪ್ರಕಾರ, ಇದು ದಕ್ಷಿಣ ಆಫ್ರಿಕಾದ ಚೀತಾ ಸಂತಾನೋತ್ಪತ್ತಿ ಕೇಂದ್ರದ ವಿಡಿಯೋವಾಗಿದೆ.
ಇದರ ಆಧಾರದ ಮೇಲೆ, ನಾವು ನಮ್ಮ ತನಿಖೆಯನ್ನು ಮುಂದುವರಿಸಿದ್ದೇವೆ ಮತ್ತು ಜನವರಿ 21, 2019 ರಂದು ಡಾಲ್ಫ್ ಸಿ ವೋಲ್ಕರ್ ಎಂಬ ಯೂಟ್ಯೂಬ್ ಚಾನೆಲ್ನಲ್ಲಿ ಅಪ್ಲೋಡ್ ಮಾಡಿದ ಮೂಲ ವಿಡಿಯೋವನ್ನು ಕಂಡುಕೊಂಡಿದ್ದೇವೆ. “ಈ ಚಿರತೆಗಳೊಂದಿಗೆ ರಾತ್ರಿಗಳನ್ನು ಕಳೆಯಲು ನನಗೆ ವಿಶೇಷ ಅನುಮತಿ ನೀಡಲಾಯಿತು” ಎಂದು ವಿಡಿಯೋದೊಂದಿಗೆ ವಿವರವಾದ ವಿವರಣೆಯಲ್ಲಿ ತಿಳಿಸಲಾಗಿದೆ. ಈ ಚಿರತೆಗಳು ನನ್ನನ್ನು ನಂಬುತ್ತವೆ ಮತ್ತು ನನ್ನನ್ನು ಇಷ್ಟಪಡುತ್ತವೆ.” ಎಂಬ ಶೀರ್ಷಿಕೆ ನೀಡಲಾಗಿದೆ.
ಈ ಹಿಂದೆ ಏಪ್ರಿಲ್ 2024 ಮತ್ತು ಜನವರಿ 2022 ರಲ್ಲಿ ಉದಯಪುರದ ಹಿರಿಯ ಪತ್ರಕರ್ತ ಸುಭಾಷ್ ಶರ್ಮಾ ಅವರನ್ನು ನಮ್ಮ ತಂಡದ ಸಹೋದ್ಯೋಗಿ ದೈನಿಕ್ ಜಾಗರಣದಲ್ಲಿ ಸಂಪರ್ಕಿಸಿದಾಗ ಈ ವೀಡಿಯೊ ವೈರಲ್ ಆಗಿತ್ತು. ವೀಡಿಯೊದ ಬಗ್ಗೆ ಮಾತನಾಡಿದ ಅವರು, ಈ ವೀಡಿಯೊಕ್ಕೂ ರಾಜಸ್ಥಾನಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ಹೇಳಿದ್ದಾರೆ.
ಇದನ್ನು ಓದಿ: ಧ್ರುವ್ ರಾಠಿ ಬಿಗ್ಬಾಸ್ಗೆ ಹೋಗುತ್ತಾರೆ ಎಂಬ ಸುಳ್ಳು ಸುದ್ದಿ ಮತ್ತೊಮ್ಮೆ ವೈರಲ್.!
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್ಚೆಕ್ ವಾಟ್ಸಾಪ್ ನಂಬರ್ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ
