ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತಕ್ಕೆ ನೀಡುತ್ತಿದ್ದ ಆರ್ಥಿಕ ನೆರವನ್ನು ಸ್ಥಗಿತಗೊಳಿಸಿದ್ದಾರೆ ಎಂಬ ಹೇಳಿಕೆಯೊಂದಿಗೆ ಅಮೆರಿಕ ಸರ್ಕಾರದ ಸುತ್ತೋಲೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗುತ್ತಿದೆ. “ಇಂದಿನಿಂದ ಜಾರಿಗೆ ಬರುವಂತೆ, ಒಪ್ಪಂದ ಅಧಿಕಾರಿಯು ನಿಮ್ಮ ಸಂಸ್ಥೆಗೆ USAID/ಭಾರತಕ್ಕೆ ನೀಡಿದ ಒಪ್ಪಂದದ ಅಡಿಯಲ್ಲಿ ಆರ್ಥಿಕ ನೆರವನ್ನು ತಕ್ಷಣವೇ ಸ್ಥಗಿತಗೊಳಿಸಲು ಆದೇಶವನ್ನು ಹೊರಡಿಸುತ್ತಾರೆ…” ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ನ್ನು ಹಂಚಿಕೊಳ್ಳಲಾಗುತ್ತಿದೆ. ಈ ಪೋಸ್ಟ್ನ ಸತ್ಯಾಸತ್ಯತೆಯನ್ನು ಕನ್ನಡ ಫ್ಯಾಕ್ಟ್ಚೆಕ್ನಲ್ಲಿ ಪರಿಶೀಲನೆ ನಡೆಸೋಣ.
ಫ್ಯಾಕ್ಟ್ ಚೆಕ್
ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ವೈರಲ್ ಆಗುತ್ತಿರುವ ಪೋಸ್ಟ್ನ ನಿಜಸ್ವರೂಪವನ್ನು ತಿಳಿದುಕೊಳ್ಳಲು ಕನ್ನಡ ಫ್ಯಾಕ್ಟ್ಚೆಕ್ ತಂಡವು ಮುಂದಾಯ್ತು. ಇದಕ್ಕಾಗಿ “ಭಾರತಕ್ಕೆ ವಿದೇಶಿ ನೆರವು ಕಡಿತಗೊಳಿಸಿದೆ” ಎಂಬ ಕೀವರ್ಡ್ ಬಳಸಿ ಹುಡುಕಿದಾಗ, 2025ರ ಜನವರಿ 27ರಂದು ಪ್ರಕಟವಾದ ದಿ ಹಿಂದೂ ಪತ್ರಿಕೆಯ ವರದಿಯೊಂದು ಲಭ್ಯವಾಗಿದೆ. ಈ ವರದಿಯ ಪ್ರಕಾರ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ನಿಟ್ಟಿನಲ್ಲಿ ಎಲ್ಲಾ ವಿದೇಶಿ ನೆರವನ್ನು ಸ್ಥಗಿತಗೊಳಿಸುವ ಆದೇಶವೊಂದಕ್ಕೆ ಸಹಿ ಹಾಕಿದ್ದಾರೆ ಎಂದು ಉಲ್ಲೇಖವಾಗಿದೆ. ಅಮೆರಿಕ ಎಲ್ಲಾ ವಿದೇಶಿ ನೆರವನ್ನು ಸ್ಥಗಿತಗೊಳಿಸಲು ಮತ್ತು ಅಮೆರಿಕದ ಹಣಕಾಸಿನ ಮರುಪರಿಶೀಲನೆಗೆ ಆದೇಶ ಹೊರಡಿಸಿದೆ. ಈ ನೀತಿ ಅನುಸರಣೆಯು ಬಹಳಷ್ಟು ಪರಿಣಾಮಕಾರಿಯಾಗಿದೆ ಎಂದೂ ಇತರ ವರದಿಗಳು ಉಲ್ಲೇಖಿಸಿವೆ.
ವಿದೇಶಾಂಗ ಇಲಾಖೆಯ ವಕ್ತಾರೆ ಟ್ಯಾಮಿ ಬ್ರೂಸ್ರವರು “ಅಮೆರಿಕವು ಇನ್ನು ಮುಂದೆ ಅಮೆರಿಕದ ಜನರಿಗೆ ಯಾವುದೇ ಲಾಭವಿಲ್ಲದೆ ಕುರುಡಾಗಿ ಹಣವನ್ನು ಸಾಲ ನೀಡಲು ಹೋಗುವುದಿಲ್ಲ ಎಂದು ಅಧ್ಯಕ್ಷ ಟ್ರಂಪ್ ಸ್ಪಷ್ಟಪಡಿಸಿದ್ದಾರೆ” ಎಂದು ಹೇಳಿದ್ದಾರೆ. ಕಷ್ಟಪಟ್ಟು ದುಡಿಯುವ ತೆರಿಗೆದಾರರ ಪರವಾಗಿ ವಿದೇಶಿ ನೆರವನ್ನು ಪರಿಶೀಲಿಸುವುದು ಮತ್ತು ಪುನರ್ರಚಿಸುವುದು ಸರಿಯಾದ ಕೆಲಸ ಮಾತ್ರವಲ್ಲ, ಅದು ನೈತಿಕ ಕಡ್ಡಾಯ.
ವಿದೇಶಾಂಗ ಕಾರ್ಯದರ್ಶಿ ಮಾರ್ಕೊ ರೂಬಿಯೊ ಅವರು “ವಿದೇಶಾಂಗ ಇಲಾಖೆ ಮತ್ತು ಯುಎಸ್ ಏಜೆನ್ಸಿ ಫಾರ್ ಇಂಟರ್ನ್ಯಾಷನಲ್ ಡೆವಲಪ್ಮೆಂಟ್ (USAID) ಮೂಲಕ ಅಥವಾ ಹಣವನ್ನು ನೀಡಲಾಗುತ್ತಿದ್ದ ಎಲ್ಲಾ ಯುಎಸ್ ವಿದೇಶಿ ಸಹಾಯವನ್ನು ವಿರಾಮಗೊಳಿಸಿದ್ದಾರೆ” ಎಂದು ಬ್ರೂಸ್ ಹೇಳಿದ್ದಾರೆ.
ಸೋಮವಾರ ಅಧಿಕಾರ ವಹಿಸಿಕೊಂಡ ಕೆಲವೇ ಗಂಟೆಗಳಲ್ಲಿ, ಟ್ರಂಪ್ ತಮ್ಮ ವಿದೇಶಾಂಗ ನೀತಿಯೊಂದಿಗೆ ಅದರ ದಕ್ಷತೆ ಮತ್ತು ಸ್ಥಿರತೆಯನ್ನು ನಿರ್ಣಯಿಸಲು ವಿದೇಶಿ ಅಭಿವೃದ್ಧಿ ನೆರವಿನ ಮೇಲೆ 90 ದಿನಗಳ ಕಾಲ ಸ್ಥಗಿತಗೊಳಿಸಲು ಆದೇಶ ಹೊರಡಿಸಿದ್ದಾರೆ. ಆದರೆ, ಶುಕ್ರವಾರ ಯುಎಸ್ ಸ್ಟೇಟ್ ಡಿಪಾರ್ಟ್ಮೆಂಟ್ ಎಲ್ಲರಿಗೂ “ಸಹಾಯ ನಿಲ್ಲಿಸಿ” ಎಂಬ ಆದೇಶವನ್ನು ಹೊರಡಿಸಿದೆ. ಆದ್ದರಿಂದ ಅಸ್ತಿತ್ವದಲ್ಲಿರುವ ವಿದೇಶಿ ನೆರವು ಮತ್ತು ಹೊಸ ಸಹಾಯವು ಸ್ಥಗಿತಗೊಂಡಿದೆ.
ಬಿಬಿಸಿ, ರಾಯಿಟರ್ಸ್ ಮತ್ತು ನ್ಯೂಯಾರ್ಕ್ ಟೈಮ್ಸ್ ವರದಿಯ ಪ್ರಕಾರ, ವಿದೇಶದಲ್ಲಿರುವ ಅಧಿಕಾರಿಗಳು ಮತ್ತು ಅಮೆರಿಕದ ರಾಯಭಾರ ಕಚೇರಿಗಳಿಗೆ ಕಳುಹಿಸಲಾದ ಆಂತರಿಕ ಮೆಮೊದ ಪ್ರಕಾರ, ವಿದೇಶಾಂಗ ಇಲಾಖೆಯು ಸಹಾಯವನ್ನು ಕಚೇರಿಯಿಂದ ನಿಲ್ಲಿಸಲಾಗಿದೆ ಎಂದು ವಿದೇಶಾಂಗ ಕಾರ್ಯದರ್ಶಿ ಮಾರ್ಕೊ ರೂಬಿಯೊ ಅವರು ಅನುಮೋದಿಸಿದ್ದಾರೆ. ಇಸ್ರೇಲ್ನ ಮಿಲಿಟರಿ ಹಣಕಾಸಿನ ನೆರವನ್ನು ಮನ್ನಾ ನೀಡಲಾಗಿದೆ . ಈಜಿಪ್ಟ್ ಮತ್ತು ಇಸ್ರೇಲ್ ದೇಶಗಳನ್ನು ಹೊರತುಪಡಿಸಿ ಎಲ್ಲಾ ದೇಶಗಳಿಗೆ ವಿದೇಶಿ ನೆರವನ್ನು ಅಮೆರಿಕ ನಿಲ್ಲಿಸಿದೆ ಎಂದು ಇತರ ಸುದ್ದಿ ವರದಿಗಳಲ್ಲಿ ಉಲ್ಲೇಖಿಸಲಾಗಿದೆ.
ಯು.ಎಸ್. ಏಜೆನ್ಸಿ ಫಾರ್ ಇಂಟರ್ನ್ಯಾಷನಲ್ ಡೆವಲಪ್ಮೆಂಟ್ (USAID) ನಿಂದ ಬಂದ ವೈರಲ್ ಪತ್ರದ ಪ್ರಕಾರ, USAIDಯ ಹಿರಿಯ ಕಾರ್ಯನಿರ್ವಾಹಕ ರೋಜರ್ಸ್ ‘ವಿದೇಶಿ ನೆರವು ಸ್ಥಗಿತಗೊಳಿಸಲಾಗಿದೆ ಎಂಬ ಆದೇಶದ ಅನುಷ್ಠಾನದ ಕುರಿತು, ಯುನೈಟೆಡ್ ಸ್ಟೇಟ್ಸ್ ವಿದೇಶಿ ಸಹಾಯವನ್ನು ಮರುಮೌಲ್ಯಮಾಪನ ಮಾಡುವುದು ಮತ್ತು ಪುನರ್ರಚಿಸುವುದುʼ ಎಂದು ಸೂಚನೆ ಹೊರಡಿಸಿದ್ದಾರೆ.
ಈ ಸೂಚನೆಯಲ್ಲಿ, “ಯುನೈಟೆಡ್ ಸ್ಟೇಟ್ಸ್ ವಿದೇಶಿ ಸಹಾಯವನ್ನು ಮರುಮೌಲ್ಯಮಾಪನ ಮಾಡುವ ಮತ್ತು ಪುನರ್ರಚಿಸುವ ಕುರಿತು ಅಧ್ಯಕ್ಷರ ಕಾರ್ಯಕಾರಿ ಆದೇಶ ಮತ್ತು ವಿದೇಶಾಂಗ ಇಲಾಖೆಯಿಂದ ಒದಗಿಸಲಾದ ಹೆಚ್ಚುವರಿ ನಿರ್ದೇಶನದ ಪ್ರಕಾರ, USAID ನಿಧಿಯ ಎಲ್ಲಾ ಹೊಸ ಬಾಧ್ಯತೆಗಳು ಮತ್ತು ಅಭಿವೃದ್ಧಿ ಉದ್ದೇಶದ ಒಪ್ಪಂದಗಳನ್ನು ಮರುಪರಿಶೀಲಿಸಬೇಕಾಗಿದೆ” ಎಂದು ಉಲ್ಲೇಖಿಸಲಾಗಿದೆ.
“ ವಿದೇಶಿ ಸಹಾಯವನ್ನು ಸ್ಥಗಿತಗೊಳಿಸಲಾಗಿದೆ ಎಂಬ ಆದೇಶವು USDA (DOAGs) ಅಡಿಯಲ್ಲಿ ಉಪ-ಬಾಧ್ಯತೆಗಳಿಗೆ ಹಣಕಾಸು ಒದಗಿಸುವುದನ್ನು ನಿರ್ಬಂಧಿಸುತ್ತದೆ. USAID ನಿಧಿಯಿಂದ ಪಡೆದ ವಿದೇಶಿ ಸಹಾಯದ ಹಣವನ್ನು ಪರಿಶೀಲಿಸಿದಾಗ ಬಾಕಿ ಉಳಿದಿದೆ…” ಈ ಆದೇಶದ ಕುರಿತು US ಸರ್ಕಾರದ ಅಧಿಕೃತ ಪತ್ರಿಕಾ ಹೇಳಿಕೆಯೊಂದು ಲಭ್ಯವಾಗಿದೆ.
US ಸರ್ಕಾರದ ForeignAssistance.gov ಪೋರ್ಟಲ್ ಪ್ರಕಾರ, USAID ಸೇರಿದಂತೆ ವಿವಿಧ US ಇಲಾಖೆಗಳು ಮತ್ತು ಏಜೆನ್ಸಿಗಳಿಂದ ಭಾರತಕ್ಕೆ ನಿಜವಾದ ವಿತರಣೆಯು FY23 ರಲ್ಲಿ $201.88 ಮಿಲಿಯನ್ನಿಂದ FY24 ರಲ್ಲಿ $159.6 ಮಿಲಿಯನ್ಗೆ ಇಳಿದಿದೆ. ಟ್ರಂಪ್ ಆಡಳಿತದ ನಿರ್ಧಾರವು ವಿವಿಧ ದೇಶದ ಮೇಲೆ ಪ್ರಮುಖ ಪರಿಣಾಮ ಬೀರುತ್ತದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಅಮೆರಿಕ ಭಾರತಕ್ಕೆ ಮಾತ್ರ ವಿದೇಶಿ ನೆರವನ್ನು ಸ್ಥಗಿತಗೊಳಿಸಿದೆ ಎಂಬುದು ಸುಳ್ಳು. ಇಂತಹ ಪೋಸ್ಟ್ಗಳನ್ನು ಹಂಚಿಕೊಳ್ಳುವ ಮುನ್ನ ಒಮ್ಮೆ ಪರಿಶೀಲಿಸಿಕೊಳ್ಳುವುದು ಉತ್ತಮ.
ಇದನ್ನು ಓದಿ :
FACT CHECK : ಕಾನ್ಪುರದಲ್ಲಿ ಬಸ್ ಹೊತ್ತಿ ಉರಿದಿದೆ ಎಂದು ವೃಂದಾವನದ ವಿಡಿಯೋ ಹಂಚಿಕೊಳ್ಳಲಾಗುತ್ತಿದೆ
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್ಚೆಕ್ ವಾಟ್ಸಾಪ್ ನಂಬರ್ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ.
