ಡೊನಾಲ್ಡ್ ಟ್ರಂಪ್ ಅಮೆರಿಕದ ಅಧ್ಯಕ್ಷರಾಗಿ ಆಯ್ಕೆಯಾದ ನಂತರ, ಶ್ವೇತಭವನವು ಪ್ರಧಾನಿ ನರೇಂದ್ರ ಮೋದಿಯವರ ಟ್ವಿಟರ್ ಅಥವಾ ಇನ್ಸ್ಟಾಗ್ರಾಮ್ ಖಾತೆಯನ್ನು ಅಧಿಕೃತವಾಗಿ ಅನ್ಫಾಲೋ ಮಾಡಿದೆ ಎಂದು ಹೇಳುವ ಮೂಲಕ ಟ್ರಂಪ್ ಮತ್ತು ಪ್ರಧಾನಿ ನರೇಂದ್ರ ಮೋದಿ ಭೇಟಿಯ ಫೋಟೋಗೆ ಸಂಬಂಧಿಸಿದ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ನ ಸ್ಕ್ರೀನ್ಶಾಟ್ ಅನ್ನು ಹಂಚಿಕೊಳ್ಳಲಾಗುತ್ತಿದೆ.
ಸಾಮಾಜಿಕ ಮಾಧ್ಯಮ ಬಳಕೆದಾರ ‘ವೈದ್ ಹೆಟ್ ರಾಮ್ ಸುತಾರ್’, ವೈರಲ್ ಪೋಸ್ಟ್ ಅನ್ನು ಹಂಚಿಕೊಳ್ಳುವಾಗ (ಆರ್ಕೈವ್ ಲಿಂಕ್ ) ಹೀಗೆ ಬರೆದಿದ್ದಾರೆ, “ಶ್ವೇತಭವನವು ಟ್ವಿಟರ್ನಲ್ಲಿ ಪ್ರಧಾನಿ ಮೋದಿಯನ್ನು ಫಾಲೋ ಮಾಡಿದಾಗ ಇಡೀ # ಭಕ್ತ ಸಮೂಹವು ಸಾಮಾಜಿಕ ಜಾಲತಾಣದಲ್ಲಿ ಸಾಹೇಬರ ಬಗ್ಗೆ# ಡಂಗೂರ ಸಾರಿತ್ತು. ಅದು ಇಡೀ ಲೋಕದಲ್ಲಿ ರಿಂಗಣಿಸಿತ್ತು. ಆದರೆ, ಇಂದು #ಶ್ವೇತ_ಭವನವು #ಸಾಹೇಬ್ ಜೀ ಅವರನ್ನು #ಅನ್ ಫಾಲೋ ಮಾಡಿದಾಗ ಒಬ್ಬನೇ ಒಬ್ಬ ಭಕ್ತನ #ಪೋಸ್ಟ್ ಬರುತ್ತಿಲ್ಲವಲ್ಲ? ಯಾಕೆ ಹೀಗೆ?”
ವಿವಿಧ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿನ ಇತರ ಅನೇಕ ಬಳಕೆದಾರರು ಇದೇ ರೀತಿಯ ಹಕ್ಕುಗಳೊಂದಿಗೆ ಈ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.
ಫ್ಯಾಕ್ಟ್ಚೆಕ್
ನಮ್ಮ ಕನ್ನಡ ಫ್ಯಾಕ್ಟ್ಚೆಕ್ ತಂಡವು ಈ ಹೇಳಿಕೆಯು ತಪ್ಪುದಾರಿಗೆಳೆಯುವಂತಿದೆ ಎಂಬುದನ್ನು ಕಂಡುಹಿಡಿದಿದೆ. ಸಂಬಂಧಿತ ಘಟನೆಯು 2020 ರದ್ದಾಗಿದ್ದು, ಅಮೇರಿಕ ಅಧ್ಯಕ್ಷರ ವಿದೇಶಿ ಭೇಟಿಯ ಸಮಯದಲ್ಲಿ ಟ್ವಿಟರ್ ಹ್ಯಾಂಡಲ್ನಲ್ಲಿ ಸಾಂಪ್ರದಾಯಿಕವಾಗಿ ಆತಿಥೇಯ ರಾಷ್ಟ್ರಗಳ ಅಧಿಕಾರಿಗಳ ಟ್ವಿಟರ್ ಖಾತೆಗಳನ್ನು ಫಾಲೋ ಮಾಡುವುದಾಗಿ ಸ್ಪಷ್ಟಪಡಿಸಿದೆ. ಹೀಗೆ ಫಾಲೋ ಮಾಡುವುದರಿಂದ ಆದ್ದರಿಂದ ಅವರಿಗೆ ಸಂಬಂಧಿಸಿದ ಪೋಸ್ಟ್ಗಳನ್ನು ರಿಟ್ವೀಟ್ ಮಾಡಕೊಳ್ಳಲು ಸುಲಭವಾಗುತ್ತದೆ. ಪಿಎಂ ಮೋದಿ ಸೇರಿದಂತೆ ಭಾರತದ ಇತರ ಅಧಿಕೃತ ಹ್ಯಾಂಡಲ್ಗಳನ್ನು ಫಾಲೋ ಮಾಡುವ ಮತ್ತು ಅನ್ಫಾಲೋ ಮಾಡಿದ ಘಟನೆಯು ಇದಕ್ಕೆ ಸಂಬಂಧಿಸಿದೆ. ಇದು ಇತ್ತೀಚಿನ ಸಂದರ್ಭದಲ್ಲಿ ತಪ್ಪುದಾರಿಗೆಳೆಯುವ ಹಕ್ಕುಗಳೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ.
ವೈರಲ್ ಪೋಸ್ಟ್ನಲ್ಲಿ ಹಿಂದಿ ಸುದ್ದಿ ವಾಹಿನಿಯ ಟ್ವಿಟರ್ ಪೋಸ್ಟ್ನ ಸ್ಕ್ರೀನ್ಶಾಟ್ನಲ್ಲಿ ಏಪ್ರಿಲ್ 29, 2020 ರ ದಿನಾಂಕ ಗೋಚರಿಸುತ್ತದೆ. ಸಂಬಂಧಪಟ್ಟ ಘಟನೆ ಇತ್ತೀಚಿನದಲ್ಲ, ಹಳೆಯದು ಎಂಬುದು ಇದರಿಂದ ಸ್ಪಷ್ಟವಾಗುತ್ತದೆ.
ಈ ಆಧಾರದ ಮೇಲೆ ಹುಡುಕಿದಾಗ, ನಮಗೆ ಅನೇಕ ಹಳೆಯ ಸುದ್ದಿ ವರದಿಗಳು ಲಭಿಸಿವೆ. 2020ರ ಏಪ್ರಿಲ್ 30ರಂದು ಪ್ರಕಟವಾದ ‘ದಿ ಹಿಂದೂ’ ವರದಿಯ ಪ್ರಕಾರ , ” ಅಧ್ಯಕ್ಷರ ಭೇಟಿಯ ಸಮಯದಲ್ಲಿ ಅವರ ಭೇಟಿಯನ್ನು ಬೆಂಬಲಿಸುವ ಸಂದೇಶಗಳನ್ನು ರಿಟ್ವೀಟ್ ಮಾಡಲು ಸರಳಗೊಳಿಸುವ ಉದ್ದೇಶದಿಂದ ಟ್ವಿಟರ್ ಹ್ಯಾಂಡಲ್ನಲ್ಲಿ ಸಾಮಾನ್ಯವಾಗಿ ಆತಿಥೇಯ ದೇಶಗಳ ಖಾತೆಗಳನ್ನು ಸ್ವಲ್ಪ ಸಮಯದವರೆಗೆ ಫಾಲೋ ಮಾಡುತ್ತದೆ ಎಂದು ಹೇಳಿದೆ.”
ವರದಿಯ ಪ್ರಕಾರ, ಫೆಬ್ರುವರಿ ತಿಂಗಳಿನಲ್ಲಿ (ಅಂದಿನ) ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಭಾರತಕ್ಕೆ ಭೇಟಿ ನೀಡಿದಾಗ, ಶ್ವೇತಭವನದ ಅಧಿಕೃತ ಟ್ವಿಟರ್ ಹ್ಯಾಂಡಲ್ ರಾಷ್ಟ್ರಪತಿ ರಾಮನಾಥ್ ಕೋವಿಂದ್, ಪ್ರಧಾನಿ ನರೇಂದ್ರ ಮೋದಿ, ಪ್ರಧಾನ ಮಂತ್ರಿ ಕಚೇರಿಯ ಹ್ಯಾಂಡಲ್ಗಳನ್ನು ಟ್ವೀಟ್ ಮಾಡಿದೆ. ಅಮೇರಿಕಾದಲ್ಲಿರುವ ಭಾರತೀಯ ರಾಯಭಾರ ಕಚೇರಿ, ಭಾರತದಲ್ಲಿನ ಯುಎಸ್ ರಾಯಭಾರ ಕಚೇರಿಗಳನ್ನು ಫಾಲೋ ಮಾಡಿದೆ.
ಮತ್ತು ಕೆಲವು ದಿನಗಳ ನಂತರ ಈ ಎಲ್ಲಾ ಹ್ಯಾಂಡಲ್ಗಳನ್ನು ಅನ್ಫಾಲೋ ಮಾಡಿದೆ. ಹಲವಾರು ಇತರ ವರದಿಗಳು ಇದೇ ಸಂದರ್ಭದಲ್ಲಿ ಘಟನೆಯನ್ನು ಉಲ್ಲೇಖಿಸಿ ವರದಿ ಮಾಡಿವೆ.
ವೈರಲ್ ಸ್ಕ್ರೀನ್ಶಾಟ್ನಲ್ಲಿ ಹಂಚಿಕೊಳ್ಳಲಾಗುತ್ತಿರುವ ಘಟನೆಯು 2020ರದ್ದಾಗಿದ್ದು ಇತ್ತೀಚಿನದಲ್ಲ ಎಂಬುದು ನಮ್ಮ ತನಿಖೆಯಿಂದ ಸ್ಪಷ್ಟವಾಗಿದೆ. 2020ರ ಫೆಬ್ರವರಿ 24ರಂದು ಅಹಮದಾಬಾದ್ನ ಸರ್ದಾರ್ ಪಟೇಲ್ ಗುಜರಾತ್ ಸ್ಟೇಡಿಯಂನಲ್ಲಿ “ನಮಸ್ತೆ ಟ್ರಂಪ್” ಕಾರ್ಯಕ್ರಮವನ್ನು ಉದ್ದೇಶಿಸಿ ಟ್ರಂಪ್ ಮಾತನಾಡಿರುವುದು ಇಲ್ಲಿ ಗಮನಾರ್ಹ.
ಸುದ್ದಿ ವರದಿಗಳ ಪ್ರಕಾರ , ಅಮೆರಿಕದ 47 ನೇ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ, ಡೊನಾಲ್ಡ್ ಟ್ರಂಪ್ರವರು ಕ್ವಾಡ್ನ ಐದನೇ ಸಮ್ಮೇಳನದಲ್ಲಿ ಭಾಗವಹಿಸಲು ಭಾರತಕ್ಕೆ ಬರಬಹುದು. ಕ್ವಾಡ್- ಭಾರತ, ಅಮೆರಿಕ, ಜಪಾನ್ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ನಾಲ್ಕು ದೇಶಗಳ ಕಾರ್ಯತಂತ್ರದ ಮೈತ್ರಿಯಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಶ್ವೇತಭವನವು ಪ್ರಧಾನಿ ನರೇಂದ್ರ ಮೋದಿಯವರ ಟ್ವಿಟರ್ ಅಥವಾ ಇನ್ಸ್ಟಾಗ್ರಾಮ್ ಖಾತೆಯನ್ನು ಅಧಿಕೃತವಾಗಿ ಅನ್ಫಾಲೋ ಮಾಡಿದ 2020ರದ್ದು.
