ಫೆಬ್ರವರಿ 5 ರಂದು ದೆಹಲಿಯ ಎಲ್ಲಾ 70 ಕ್ಷೇತ್ರಗಳಿಗೆ ಮತದಾನ ನಡೆಯಲಿದ್ದು, ಫೆಬ್ರವರಿ 8 ರಂದು ಚುನಾವಣಾ ಫಲಿತಾಂಶ ಪ್ರಕಟವಾಗಲಿದೆ. ಜನವರಿ ತಿಂಗಳಿನಲ್ಲಿ ದೆಹಲಿಯಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ, ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಉನ್ನತ ಮಟ್ಟದ ರ್ಯಾಲಿಗಳು ಮತ್ತು ಸಾರ್ವಜನಿಕ ಸಭೆಗಳು ಸೇರಿದಂತೆ ಮಹತ್ತರವಾದ ರಾಜಕೀಯ ಸಭೆ ಸಮಾರಂಭಗಳನ್ನು ನಡೆಸಲಾಗಿದೆ., ಇದರ ನಡುವೆ ಇದೀಗ ದೆಹಲಿಯಲ್ಲಿ ಅರವಿಂದ್ ಕೇಜ್ರಿವಾಲ್‌ ಅವರಿಗೆ ಮತ ಹಾಕುವಂತೆ ಮುಸ್ಲಿಂ ಧರ್ಮ ಗುರುಗಳು ಫತ್ವಾ ಹೊರಡಿಸಿದ್ದಾರೆ ಎಂಬ ಸುದ್ದಿಯೊಂದು ವೈರಲ್‌ ಆಗಿದೆ.
एक तरफ केजरीवाल हिंदूवादी बन रहा है दूसरी तरफ मुस्लिम एरिया में केजरीवाल की पार्टी ऐसे पर्चे बटवा रही है
दिल्ली के हिंदुओं यह पढ़ लो pic.twitter.com/vr29hR7wFJ
— 🇮🇳Jitendra pratap singh🇮🇳 (@jpsin1) January 25, 2025
ಹಲವರು ಹಳದಿ ಬಣ್ಣದ ಪೋಸ್ಟರ್‌ವೊಂದನ್ನು ಹಂಚಿಕೊಂಡು ಪೋಸ್ಟ್‌ ಮಾಡುತ್ತಿದ್ದು. ಇದರಲ್ಲಿ ಅರವಿಂದ್ ಕೇಜ್ರಿವಾಲ್‌ ಅವರನ್ನು ಮುಸ್ಲಿಂ ಧರ್ಮ ಗುರುಗಳು ಮುಸ್ಲಿಮರ ಮೆಸ್ಸಿಹ್ ( ಕೆಟ್ಟದ್ದರಿಂದ ಜನರನ್ನು ರಕ್ಷಿಸುವ ನಾಯಕನನ್ನು ಅಬ್ರಹಾಮಿಕ್‌ ಧರ್ಮಗಳಲ್ಲಿ ಮೆಸ್ಸಿಹ್ ಎಂದು ಕರೆಯಲಾಗುತ್ತದೆ ) ಎಂದು ಕರೆದಿದ್ದಾರೆ ಎಂದು ಹೇಳಲಾಗಿದೆ. ಈ ಪೋಸ್ಟರ್‌ ಅನ್ನು ಗಮನಿಸಿದ ಹಲವು ಮಂದಿ ಸಾರ್ವಜನಿಕರು, ಅಚ್ಚರಿಯನ್ನು ವ್ಯಕ್ತ ಪಡಿಸಿದ್ದು, ಇನ್ನೂ ಸಾಕಷ್ಟು ಮಂದಿ ಇದು ಅರವಿಂದ್ ಕೇಜ್ರಿವಾಲ್‌ ಅವರ ಜಾತ್ಯಾತೀತತೆ ಎಂದು ಕಿಡಿ ಕಾರಿದ್ದಾರೆ. ಹೀಗೆ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿರುವ ವೈರಲ್‌ ವಿಡಿಯೋ ಕುರಿತು ಈ ಫ್ಯಾಕ್ಟ್‌ಚೆಕ್‌ನಲ್ಲಿ ಪರಿಶೀಲನೆ ನಡೆಸಲಾಗಿದೆ.
महाराष्ट्र की तरह दिल्ली में भी मौलाना केजरीवाल के समर्थन में फ़तवे आने शुरू हो गए हैं..! pic.twitter.com/yp68XBdPLr
— Vᴀsᴜᴅᴇᴠ_Kᴏʟɪ_Bᴊᴘ (@vasudev_koli18) January 25, 2025
ಫ್ಯಾಕ್ಟ್ಚೆಕ್
ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿರುವ ವೈರಲ್‌ ವಿಡಿಯೋ ಕುರಿತು ಪರಿಶೀಲನೆ ನಡೆಸಲು ನಮ್ಮ ಕನ್ನಡ ಫ್ಯಾಕ್ಟ್ಚೆಕ್ ತಂಡ ಮುಂದಾಯಿತು, ಇದಕ್ಕಾಗಿ ನಾವು ವೈರಲ್‌ ವಿಡಿಯೋವಿಗೆ ಸಂಬಂಧಿಸಿದಂತೆ ಯಾವುದಾದರೂ ಅಧಿಕೃತ ವರದಿಗಳು ಪ್ರಕಟವಾಗಿದೆಯೇ ಎಂದು ನಾವು ಹುಡುಕಾಟವನ್ನು ನಡೆಸಿದೆವು. ಆದರೆ ನಮಗೆ ಈ ಕುರಿತು ಯಾವುದೇ ರೀತಿಯಾದ ಅಧಿಕೃತ ವರದಿಗಳು ಕಂಡು ಬಂದಿಲ್ಲ. ಇದು ವೈರಲ್‌ ಪೊಸ್ಟ್‌ಗಳ ಕುರಿತು ಅನುಮಾನಕ್ಕೆ ದಾರಿ ಮಾಡಿಕೊಟ್ಟಿತ್ತು.
ಈ ಬಗ್ಗೆ ಇನ್ನಷ್ಟು ಹುಡುಕಾಟವನ್ನು ನಡೆಸಿದಾಗ ನಮಗೆ 6 ಫೆಬ್ರವರಿ 2020ರಂದು @vimal_thinks ಎಂಬ ಎಕ್ಸ್‌ ಖಾತೆಯಿಂದ ವೈರಲ್‌ ಪೋಸ್ಟರ್‌ನ ಫೋಟೋದೊಂದಿಗೆ ಕಿರು ಬರಹವೊಂದನ್ನು ಹಂಚಿಕೊಂಡಿರುವುದು ಕಂಡು ಬಂದಿದೆ. ಇದರಲ್ಲಿ ಹಿಂದೂಸ್ತಾನ್‌ ಪತ್ರಿಕೆಯ ಮಾರಾಟಗಾರ ಈ ಕರಪತ್ರವನ್ನು ಪೇಪರ್‌ನಲ್ಲಿ ಇಟ್ಟಿರುವ ಕುರಿತು ಬರೆಯಲಾಗಿದೆ. ಈ ಪೋಸ್ಟ್‌ ಮೂಲಕ ನಮಗೆ ಎರಡು ವಿಚಾರಗಳು ಸ್ಪಷ್ಟವಾದವು. ಒಂದು ವೈರಲ್‌ ಆಗುತ್ತಿರುವ ಕರಪತ್ರದ ಫೋಟೋ 2020ಕ್ಕೆ ಸಂಬಂಧಿಸಿದ್ದಾಗಿದೆ. ಮತ್ತೊಂದು ವೈರಲ್‌ ಕರಪತ್ರವನ್ನು ಪತ್ರಿಕೆ ಮಾರಾಟಗಾರ ಹಂಚಿಕೊಂಡಿರುವುದಾಗಿದೆ. ಆದರೆ ಇಲ್ಲಿ ಯಾವುದೇ ಧರ್ಮಗುರು ಫತ್ವಾ ಹೊರಡಿಸಿರುವ ಕುರಿತು ನಮಗೆ ಮಾಹಿತಿ ಲಭ್ಯವಾಗಿಲ್ಲ.
@ArvindKejriwal
राजनीति बदलने आये थे ये किस चीज में लग गए ! कहते है कि हम हिन्दू मुस्लिम नही करते फिर ये क्या है 🤔? हिंदुस्तान टाइम्स के साथ पेपर वाला दे के गया 😓#दिल्ली_में_कमल_खिल_रहा_है pic.twitter.com/aJ8TRyL9TN
— Naive (@vimal_thinks) February 6, 2020
ಒಟ್ಟಾರೆಯಾಗಿ ಈ ಎಲ್ಲಾ ಅಂಶಗಳನ್ನು ಗಮನಿಸಿ ಹೇಳುವುದಾದರೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳಲಾಗುತ್ತಿರುವ ರೀತಿ ದೆಹಲಿಯ ವಿಧಾನಸಭೆ ಚುನಾವಣೆಯಲ್ಲಿ ಅರವಿಂದ್ ಕೇಜ್ರಿವಾಲ್‌ ಅವರಿಗೆ ಮತ ಹಾಕುವಂತೆ ಮುಸ್ಲಿಂ ಧರ್ಮ ಗುರುಗಳು ಫತ್ವಾ ಹೊರಡಿಸಿದ್ದಾರೆ ಎಂಬುದು ಸುಳ್ಳು. ವೈರಲ್‌ ಆಗುತ್ತಿರುವ ಕರ ಪತ್ರವನ್ನು ಪತ್ರಿಕೆಯ ಮಾರಾಟಗಾರನೊಬ್ಬ ಪತ್ರಿಕೆಯೊಳಗೆ ಇಟ್ಟಿದ್ದಾನೆ ಎಂಬುದು ಕೂಡ ಎಕ್ಸ್‌ ಖಾತೆಯ ಪೋಸ್ಟ್‌ನಿಂದ ಸ್ಪಷ್ಟವಾಗಿದ್ದು, ವೈರಲ್‌ ಪೋಟೋ 2020ರದ್ದಾಗಿದೆ ಎಂಬುದು ಕೂಡ ಖಚಿತವಾಗಿದೆ. ಹಾಗಾಗಿ ವೈರಲ್‌ ಆಗುತ್ತಿರುವ ಪೋಸ್ಟ್‌ ಅನ್ನು ಯಾವುದೇ ಕಾರಣಕ್ಕೂ ಹಂಚಿಕೊಳ್ಳಬೇಡಿ ಸುಳ್ಳು ಸುದ್ದಿ ಹಂಚಿಕೊಳ್ಳುವುದು ಕಾನೂನಿನ ಪ್ರಕಾರ ಅಪರಾಧವಾಗಿದೆ.
ಇದನ್ನೂ ಓದಿ : Fact Check | ಜನದಟ್ಟಣೆಯಿಂದ ತುಂಬಿರುವ ರೈಲಿನ ವಿಡಿಯೋ ಮಹಾಕುಂಭಮೇಳದ್ದು ಎಂದು ಬಿಹಾರದ ವಿಡಿಯೋ ಹಂಚಿಕೆ
ನಿಮಗೆ ಯಾವುದೇ ಸುದ್ದಿ, ಫೋಟೋ, ವಿಡಿಯೋ ಬಗ್ಗೆ ಸಂದೇಹ ಬಂದರೆ ಕನ್ನಡ ಫ್ಯಾಕ್ಟ್ಚೆಕ್ ವಾಟ್ಸಾಪ್ ನಂಬರ್‌ಗೆ 7892502991 ಕಳಿಸಿ. ಸತ್ಯ ತಿಳಿಸುತ್ತೇವೆ.
